07:41 / 09.01.2017
7462

Gevorkyan yangi mavsumda O‘zbekiston chempionatida o‘ynamaydi

Uzoq yillar davomida O‘zbekiston chempionatining bir qator jamoalarida yorqin o‘yinlar namoyish etgan, o‘tgan yilni «Nasaf» va «Lokomotiv» jamoalari safida o‘tkazgan turkmanistonlik Artur Gevorkyan endi O‘zbekiston jamoalarida o‘ynamaydi.

Xabarlarga ko‘ra, o‘tgan mavsum «Nasaf» dan erkin agent sifatida «Lokomotiv» safiga o‘tgan futbolchi Malayziya jamoalaridan birida to‘p surishi mumkin.

Ma'lumot uchun, ushbu futbolchi «Nasaf» tarkibida OFK kubogi sohibi, O‘zbekiston vitse-chempioni, O‘zbekiston kubogi va Superkubogi sohibiga aylangan, «Lokomotiv»tarkibida O‘zbekiston Chempionati oltin medallari va Kubogini qo‘lga kiritgan.

Artur Gevorkyan o‘tgan mavsum «Lokomotiv» safida Oliy Liganing 14 uchrashuvida maydonga tushdi va raqiblar darvozasiga 1 gol urishga muvaffaq bo‘ldi.

Top