KIA ўзининг энг кучли моделини намойиш қилди

Технология 09 Январь 2017 5672
Фото: motor.ru

Жанубий Кореянинг KIA компанияси расман энг тезкор Stinger моделини намойиш этди. Автомобиль ишлаб чиқарувчи Детройт автосалонида тақдим этган моделини ўз тарихидаги энг кучлиси деб атамоқда. 

KIA Stinger 2,0 (4 цилиндрли, турбо) ва 3,3 (жуфт турболи V6) литрли иккита бензинли моторлардан бири билан тақдим этилади. Унинг биринчиси 255 от кучини берса, иккинчиси 365 от кучи билан таъминлайди. 

Уларнинг иккиси ҳам 8 босқичли автоматик узатмалар қутиси билан ҳамкорликда машинани ҳаракатга келтиради. V6 моторли намунаси 5,1 сонияда 100 км/соат тезликка эришади. Энг юқори тезлиги соатига 270 кмни ташкил этади.

 KIA Stinger орқа ғилдираклари етакчи бўлган платформада ишлаб чиқилган бўлиб, 55 фоизи ўта пишиқ пўлатдан ишланган. Шу билан бирга, у орқа ва барча ғилдираклари етакчи бўлган намуналарда ишлаб чиқилади. 

Энг арзон KIA Stinger диодли бош чироқлар, Nappa чармлари билан ўралган ўриндиқлар, бошқарув электроникаси тартибини ўзгартириш тизими (Personal, Eco, Sport, Comfort ва Smart тартиблари мавжуд), 18 ёки 19 дюймли ғилдираклар, Brembo тормози, проекция дисплейи ва мобиль қурилмалар учун симсиз қувватлаш тизими билан жиҳозланади. 

Бундан ташқари, автоматик тўхташ тизими, олд тўқнашувдан огоҳлантириш тизими, қулай круиз-контроль, ҳаракат қаторини кузатиш функцияси ва орқага ҳаракатланганда яқинлашиб келаётган автомобилдан огоҳлантириш тизими кабилар ҳам мавжуд бўлади. 

KIA Stinger 2017 йил охиридан АҚШда сотила бошланади. Аммо, ҳозирча, унинг нархи эълон қилинмаган. 

Кун янгиликлари
Россиядаги юқори мансабдор полициячини ўлдирган қотиллар узоқ муддатга озодликдан маҳрум этилдилар
Яна 94 киши Ўзбекистон фуқаролигига қабул қилинди
BMW ва Toyota қўшма спорткарларини бирга суратга туширишди
Стоичков Мессининг шартномаси бўйича махфий сирни айтди
19:46 1072 Спорт
Туркия Европа Иттифоқидан визасиз тартиб бўйича қарор тезроқ қабул қилинишини кутиб қолмоқда
19:43 236 Жаҳон
ТИВда МДҲ ижроқўм раиси билан учрашув ўтказилди
Ўзбекистоннинг туризм соҳасидаги муаммолари нималардан иборат
Айта олмайсизми, Воронежга.. йўғе.. Қибрайга қандай етиб борса бўлади?
19:39 1393 Жамият
Ўзбекистонда ижтимоий ҳимояга муҳтож шахслар ҳар томонлама қўллаб-қувватланади
19:32 727 Жамият
Назарбоев Чингизхоннинг насаби бўйича мунозаралар ҳақида: Фақат олдинга қараш керак
19:23 2032 Жаҳон
Кўпроқ янгиликлар