Тожикистон авиация бошқаруви Россия томони билан икки мамлакат ўртасидаги авиақатновлар юзасидан вужудга келган вазиятни муҳокама қилишни давом эттиришга тайёр. Шу мақсадда, Россия вакиллари Душанбега таклиф этилди, деган Тожикистон транспорт вазири Шерали Ганжалзода РИА Новости агентлигига. 

Эслатиб ўтамиз, Россия транспорт вазирлиги Тожикистон ҳукумати "Ямал" авиакомпаниясига Подмосковьедаги "Жуковский" халқаро аэропортидан парвозларни амалга оширишга рухсат бермагани учун жавоб чораларини қўллаган эди. Унга кўра, 23 декабрдан Тожикистоннинг "Сомон Эйр" авиакомпаниясига Россиянинг қатор минтақаларига парвозлари учун берилган лицензия тўхтатилган эди. Тожикистон томони "Ямал" авиакомпанияси билан судлашиш ҳамда "Сомон Эйр" томонидан Россияга қарши судга мурожаат қилиниши мумкинлигини рад этмаган эди. 

"Биз авиақатновлар билан боғлиқ муаммони ҳал этиш учун музокараларни давом эттиришга тайёрмиз. Аммо, "Ямал" авиакомпаниясининг Жуковский аэропортидан Душанбе ва Хўжанд шаҳарларига парвози юзасидан нуқтаиназаримиз ўзгармайди", — деган Ганжалзода агентликка. 

Тожикистон томони "Ямал"га рухсат бермаслигини ўзаро тенглик бўлмагани билан изоҳламоқда.