2030 йилга келиб 2,4 млн япон роботлар сабаб ишларини йўқотади

Жамият 10 Январь 2017 3988

Японлар роботлар ва улар билан боғлиқ барча нарсани хуш кўрадилар. Кўплаб японлар роботлар кўринишидаги ўйинчоқлар ёки маиший мақсадлар учун роботлар сотиб олишади. Бироқ, кўринишича, японларнинг роботларга "муҳаббати" охир-оқибат уларга қимматга тушиши мумкин. Агар охирги тадқиқотлар натижаларига ишонилса, 2030 йилга келиб роботлар 2,4 млн японияликни иш ўрнидан маҳрум қилади.

Натижалари яқинда чоп этилган тадқиқот Mitsubishi институти мутахассислари томонидан амалга оширилган. Ҳисоботда лўнда қилиб 15 йилдан кейин Японияда иш ўринлари 2,4 млнтага камайиши ёзиб қўйилган. Бу роботлар одамларни ишлаб чиқариш жараёнларидан секин-аста сиқиб чиқараётгани билан боғлиқ. Ҳисобот муаллифлари гап тўмтоқ манипуляторлар эмас, балки сунъий онгга эга роботлар ҳақида кетаётганига урғу беришмоқда.

"Сунъий онг соҳасидаги фаол изланишлар мавжуд ишлаб чиқариш тармоғига жиддий таъсир қилиши мумкин. Бу ўз навбатида иш ўринларининг қисқаришига олиб келади, шунинг учун бугунданоқ роботлар сабабли ишини йўқотадиган одамларга кичик бўлса ҳам барқарор даромадни кафолатловчи давлат кўмак дастурларини яратиш ҳақида ўйлаб кўриш зарур", деб айтди тадқиқот муаллифларидан бири Сатоши Ширато.

Ҳисоботга кўра, биринчи навбатда, роботлаштириш саноат корхоналари, хизмат кўрсатиш ва савдо соҳаларини қамраб олади. Ишдан бўшатилган одамларнинг бир қисми ўзларини бошқа соҳаларда синашга ҳаракат қилиб кўришади, бироқ қолганлари ҳеч нарсасиз қолишади. Японияда қоидага кўра, агар одам бирор ишга жойлашса, унда у бу ишда бутун умр ишлайди. Иш жойини ўз истаги билан ўзгартириш ҳолатлари бу ерда кам учрайди. Бироқ шунга қарамай Япониянинг кўпчилик аҳолиси бўлғуси тенденцияни ҳис қилмоқдалар ва 2030 йилга келиб сунъий онг ва робототехника бўйича мутахассислар сони 5 млн кишигача етади. Бу одамлар, ҳойнаҳой, ишсиз қолмасалар керак.

Кун янгиликлари
Дайжест: Пойтахтдаги йирик ёнғин, аросатдаги Душанбе-Тошкент рейси, Ўзбекистонга келадиган McDonalds ва бошқа хабарлар
21:31 / 23.02.2017 5023 Жаҳон
Чилонзордаги ёнғин бўйича расмий хабар: Тафсилотлар ва талофатлар маълум
20:27 / 23.02.2017 64747 Ўзбекистон
Ўзбекистоннинг қайси ҳудудларидаги йўллар таъмирланиши маълум бўлди
19:36 / 23.02.2017 18028 Ўзбекистон
Европа лигаси. Испаниянинг икки жамоаси мусобақа билан хайрлашди, «Зенит» сўнгги дақиқалар «қурбони бўлди»
01:44 1869 Спорт
Самарқанд Порту шаҳри билан ҳамкорлик алоқалари ўрнатган МДҲдаги биринчи шаҳар бўлиши мумкин 
Кутилмаган бурилиш: «Лестер» Клаудио Раньерини истеъфога чиқарди
01:01 1978 Спорт
2020 йилгача Европа Иттифоқига бирорта давлат қўшилмайди
00:44 1306 Жаҳон
"Ангрен" эркин иқтисодий ҳудудида 9 та янги корхона ишга туширилади
Туркия аёл ҳарбийларга ҳижоб кийишга рухсат берди
00:24 2270 Жаҳон
Черногория НАТО аъзоси бўлишига бир қадам қолди
00:16 1053 Жаҳон
Кўпроқ янгиликлар