Анқарадаги Карёгди кўчасига Россиянинг Туркиядаги элчиси, 19 декабрда ўлдирилган Андрей Карловнинг номи берилди. Айнан шу кўчада Россиянинг элчихонаси жойлашган. Бу ҳақда Россиянинг Анқарадаги элчихонаси вакили маълум қилди, деб хабар бермоқда РИА “Новости” ахборот агентлиги.   

"Кўчанинг Карлов шарафига қайта номланиши Анқара шаҳар муниципалитети йиғилишида бир овоздан қабул қилинди. Эртага элчихонага Анқара мэри Мелих Гёкчек келиб, буни расман эълон қилади", деб айтган вакил.   

Карлов 19 декабрда Анқарада фотокўргазманинг очилиши вақтида отиб ўлдирилганди.