Автомобиль заводининг собиқ ишчиси «Арсенал» футболчисига айланди

Спорт 10 Январь 2017 7408

«Арсенал» Англия чемпионатидаги 7-дивизион жамоаси бўлмиш «Эднесфорд Таун»дан Коэн Брэмэллни харид қилди. 

Лондонликлар жамоаси бош мураббийи Арсен Венгер 20 ёшли бу футболчи билан алоҳида гаплашган. У «Арсенал»нинг ёшлар жамоасида ўйнай бошлайди.

«Арсенал» ушбу футболчини 40 минг фунтга сотиб олган.

«Бу ишониб бўлмайдиган иш. Орзуимга етишдим. Бу ердалигимга кўзларим ишонмаяпти», — деган ушбу ёш ҳимоячи.

У футболчиликка кириб келишдан аввал автомобиль заводида ишлаган.

«Мен ишлаб чиқариш линиясида ишлардим, машиналарга бензин, тормоз мойлари қуярдим. Ҳафтанинг 4 кунида соат 6:30дан 17:15га қадар», — деган Брэмэлл.

Кўпроқ янгиликлар