Швейцария Европа инсон ҳуқуқлари судида (ЕИҲС) даъво ишини ютиб чиққанидан кейин мусулмон қизлар ва ўғил болаларнинг сузиш машқларига биргаликда қатнашларига тўғри келади. Бу ҳақида 10 январь, сешанба куни BBC News нашри хабар берди. 

Судьялар мамлакат ҳукумати ўқувчилардан "мактаб дастурини тўлиқ ҳажмда ўзлаштириш"ни талаб қилиш ҳуқуқига эга, деган хулосага келишди. Шундай бўлса-да, улар мазкур ҳолатда диний эркинликнинг бузилиши мавжудлигини тан олишмоқда. 

The Independent'га кўра, Швейцариянинг асли туркиялик бўлган икки фуқароси - Азиз Усмонўғли ва Саҳобат Кўжабаш ЕИҲСга мурожаат қилишган. Манбада айтилишича, улар ўзларининг ўсмир ёшидаги қизларига ўғил болалар билан бирга сузиш машқларига қатнашни ман қилишган. Бундан бир неча йил аввал Базель суди уларни ота-оналик мажбуриятларининг бажарилмасликда айблаб, 1.3 минг евро жарима тўлашга мажбур қилганди. 

ЕИҲС қарори Швейцария, Швеция, Испания, Сербия ва Словакия судьялари томонидан қабул қилинган. 

Судда Швейцария ҳукумати муросага тайёр эканлигини билдириб, қизларга ҳовузда буркини (мусулмон аёлларга мўлжалланган чўмилиш кийими) кийишга рухсат берилишини таъкидлашди.