Ўзбекистон аҳолисининг 13,6 фоизи маҳаллий ижро этувчи ҳокимият органларининг ишини қониқарсиз деб топди

Ўзбекистон 10 Январь 2017 8919

“Ижтимоий фикр” жамоатчилик фикрини ўрганиш маркази “Ўзбекистон: жамоатчилик фикри - 2016” сўровномасини ўтказди. Бу ҳақда ЎзА хабар бермоқда.

Сўровнома Ўзбекистоннинг барча ҳудудларида ўтказилиб, унда барча ижтимоий гуруҳлар, турли миллат ва диний конфессиялар вакиллари иштирок этди.

Унинг асосий мақсади – аҳоли томонидан мамлакатнинг 2016 йилдаги иқтисодий ва сиёсий ривожланишига берилган баҳони аниқлашдан иборат.

Сўровнома натижаларига кўра, аҳолининг кўпчилик қисми (97,5 фоизи) мамлакатдаги замонавий ижтимоий-иқтисодий вазиятни ижобий баҳолади. 

Сўров давомида маҳаллий ижро этувчи ҳокимият органларининг ижтимоий ва иқтисодий муаммоларни ҳал қилиш бўйича иши бир қадар самарасиз экани аниқланди. Хусусан, иштирокчиларнинг 38,7 фоизи маҳаллий ижро этувчи ҳокимият органларининг ишидан қониққан бўлса, 42,8 фоиз киши қисман қониққан, 13,6 фоиз иштирокчилар эса қониқмаган.

Бу билан бир қаторда, сўровномада мамлакатда ўтказилаётган иқтисодий ислоҳотларнинг ижобий натижалари ҳам аниқланди. Сўровда иштирок этганларнинг учдан икки қисми 2016 йилда ижтимоий ҳолатлари яхшиланганини айтишган.

Сўров унда иштирок этган инсоннинг таълим даражаси ва моддий мақоми қанчалик юқори бўлса, улар ўз ҳаётидан норозиликка моддий муаммолар сабаб бўлганини шунчалик кам айтишганини кўрсатди.

Сўровда иштирок этган респондентларнинг 93,8 фоизи ўз ҳуқуқлари ва эркинларини бузилишдан ҳуқуқий ҳимояга эга эканини айтган. Фуқароларнинг 71,8 фоизи эса ҳуқуқларни бузилса, уларни тиклашга ишонишларини маълум қилди.

Сўровнома Ўзбекистон Республикаси Президенти Шавкат Мирзиёевнинг 2017 йилни "Халқ билан мулоқот ва инсон манфаатлари йили" деб эълон қилиш ҳақидаги ташаббуси аҳоли томонидан ушбу йил мамлакатимиз томонидан ижтимоий, иқтисодий ва маданий ривожланишда, илм-фан ва таълим ривожида юқори кўрсаткичларни қўлга киритиш йили бўлиши борасида кафолат деб қабул қилинганини кўрсатди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 6995 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 18873 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 44742 Жамият
Кун.uz офис изламоқда
15:48 / 06.08.2017 46461 Lifestyle
Балиқни саноат йўли билан овлаш учун қандай участка олиш мумкин?
11:18 477 Жамият
Россия Ўзбекистон, Қирғизистон ва Тожикистон билан ҳарбий машғулотлар ўтказади
10:45 2134 Жаҳон
Видео: АҚШда асосчи оталар монументини йўқ қилишни исташмоқда
10:40 2831 Жаҳон
Андижон вилоятида йирик миқдорда ўғирлик қилган аёл ушланди
10:33 3668 Жамият
Неймар: «Барселона»да шундай раҳбарият бор экани жуда қайғули
10:31 4720 Спорт
Жанубий Корея президенти: АҚШ билан машқлар кескинликни оширишга йўналтирилмаган 
10:23 1333 Жаҳон
Кўпроқ янгиликлар