ЖЧнинг янги формати учун 4 вариант кўриб чиқилган

Спорт 10 Январь 2017 5841

Жаҳон чемпионати иштирокчилари сонини 48тага етказиш қарори 4 вариант ичидан танланган. Бу ҳақда ФИФА расмий сайтида маълум қилинди.

Бугун ФИФА кенгаши бир овоздан 2026 йилги мундиалдан бошлаб иштирокчилар сонини ҳозирги 32тадан 48тага етказиш ҳақида қарор қабул қилди.

"ФИФА жаҳон чемпионати иштирокчилари сонини 2026 йилда 48тага етказиш бўйича бир овоздан қарор қабул қилди. Кенгаш Цюрихдаги ФИФА уйида 9-10 январь кунлари йиғилиш ўтказди ва 48 терма жамоа 3тадан бўлиб 16 гуруҳни ташкил қилиши ҳақида қарор қабул қилди. Гуруҳлардан 2тадан жамоа кейинги босқичга ўтади ва плей-оффда 32 иштирокчи бўлади.

Турнирнинг янги формати шундай тузиладики, дам олиш кунлари финалга қадар қисқартирилмайди. Финалгача аввалги каби 7та ўйин ўтказиш керак бўлади. Турнир ўтказиладиган кун 32 кун бўлади ва клублар бу кунларда ўз футболчиларига рухсат беради.

Қарор чуқур таҳлиллардан сўнг, 4та вариантни ўз ичига олган ҳисобот асосида қабул қилинган. Тадқиқотларда спортча баланс, рақобат, футбол тараққиётига таъсир қилувчи омиллар, инфратузилмалар, молиявий прогнозлар ва бошқа эҳтимолий оқибатлар ҳисобга олинган. ФИФАнинг кейинги мажлисида турнир формати бўйича батафсил маълумотлар, жумладан, конфедерацияларга қанчадан ўрин ажратилиши маълум қилинади.

ФИФАнинг 2016 йил октябрида ўтказилган мажлисида турнир форматини ўзгартириш сценарийси муҳокама этилган. Жараён 2020 йилгача давом эттирилади.

ФИФАнинг кейинги мажлиси шу йилнинг 9 май куни Баҳрайндаги Манама шаҳрида бўлиб ўтади".

Кун янгиликлари
Фоторепортаж: Сурхондарёдаги чорак асрдан буён таъмирталаб йўл ҳақида
19:54 / 20.07.2017 19672 Ўзбекистон
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 34327 Ўзбекистон
Тадбиркорларни муваффақиятга элтувчи ноёб бизнес-форум ўтказилади
09:45 / 20.07.2017 7616 Жамият
Мавсумдаги илк Манчестер дербисида «қизиллар» устун келди
09:39 63 Спорт
Назарбоев қисқа муддатли таътилга чиқди
09:35 1194 Жаҳон
АҚШда талончилик учун қамалган собиқ машҳур спортчи афв этилди
09:31 668 Спорт
Янгийўлда 600 граммдан ортиқ марихуана олиб кетаётган шахс қўлга олинди
09:26 301 Жамият
Эксперт: сиёсий партия деган организмдаги бир бўғин ишламаяпти
Қатар араб давлатларига бироз ёнбосди
09:16 888 Жаҳон
Греция ва Туркияда кучли зилзиладан сўнг юзлаб кишилар жароҳат олди
09:05 1461 Жаҳон
Кўпроқ янгиликлар