Apple’нинг энг таниқли дастурчиси Tesla’га ўтмоқда

Технология 11 Январь 2017 3655
Фото: EPA

Apple корпорациясининг энг тажрибали дастурчиларидан бири - Крис Лэттнер - Tesla Motors компаниясига ўтмоқда. У янги автопилот тизимини ишлаб чиқиш билан шуғулланади, дейилади Tesla сайтида тақдим этилган хабарда.

"Биз Крис Лэттнер келганидан хурсандмиз. У Tesla’да автопилотга мўлжалланган дастурий таъминот бўйича вице-президент бўлади", - таъкидланади хабарда. Унда айтилишича, Лэттнер Apple’да тахминан 11 йил ишлаб, Swift дастурлаш тилини яратишда катта ўрин тутди ва юқори малакали мутахассис сифатида ном қозонган. Tesla Лэттнер инсон иштирокисиз ҳаракатлана олувчи автомобилларни яратишда ёрдам беришига умид билдирмоқда.

Аввалроқ Tesla’да автопилот ишлаб чиқиш бўлимида фақатгина вақтинчалик раҳбар бор эди. Бу лавозимни Жинна Ҳуссайн эгаллаб турган бўлиб, у SpaceX компаниясида дастурий таъминотни ишлаб чиқишда бошчилик қилган. Tesla’га, ҳудди SpaceX каби америкалик ишбилармон Илон Маск раҳбарлик қилади. Reuters агентлигининг таъкидлашича, Лэттнер Apple раҳбариятини компанияни тарк этиши ҳақида хабардор қилган.

Маълумот учун, Tesla 2016 йилнинг октябрида ўзи томонидан чиқарилувчи автомобилларни автопилотнинг бутунлай автоном ишлашига кўмак берувчи янги тизимлар билан жиҳозлаш ниятида эканини маълум қилганди. 

Ўшанда янги тизимлар “автомобилда 250 метр масофага қадар 360 даражали кўриш имконини берувчи саккизта камера ва 12та яхшиланган ультратовуш датчиклари” билан жиҳозланиши айтилган. Улар “йўлда қаттиқ ва енгил объектларни аввалгидан икки бора кўпроқ аниқлаш имконини беради”. Бундан ташқари, Tesla машиналари маълумотларни қайта ишловчи яхшиланган функцияли радарга ҳам эга бўлади.

АҚШда эса сўнгги ойларда Tesla автомобилларида автопилотни қўллаш билан боғлиқ бир неча ҳалокатлар рўй берганини таъкидлаб ўтиш жоиз. 

Кун янгиликлари
БАА президенти 2014 йилдан бери биринчи марта омма олдида кўриниш берди 
01:18 6858 Жаҳон
Европада Бельгиядаги атом электрстанцияларига қарши намойишлар бўлиб ўтди
00:21 1369 Жаҳон
Россияда ишлашни истовчилар Тошкентда пуллик имтиҳон топширишлари мумкин
Ямандаги масжидда содир этилган отишма оқибатида 4 киши ҳалок бўлди
00:05 1599 Жаҳон
Шамол об-ҳаво маълумотлари бошловчисини жонли эфирда четга суриб кетди
23:53 / 25.06.2017 2510 Жамият
Мисрнинг энг қадимий ҳайвонот боғида ёнғин чиқди
23:30 / 25.06.2017 1351 Жаҳон
Покистонда бензовоз портлаши оқибатида 148 киши ҳалок бўлди
23:21 / 25.06.2017 8479 Жаҳон
Конфедерациялар Кубоги–2017. Ярим финал жуфтликлари маълум
22:44 / 25.06.2017 10689 Спорт
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 11321 Жаҳон
Афғонистонда хавфсизлик кучларининг 10 ходими толиблар томондан ўлдирилди
22:16 / 25.06.2017 3292 Жаҳон
Кўпроқ янгиликлар