Барак Обама ўзининг сўнгги нутқида кўз ёшларини тутиб тура олмади

Жаҳон 11 Январь 2017 29569

АҚШ президенти Барак Обама ўзининг сўнгги нутқида америкаликларни демократияни ҳимоя қилишга чақириб, кўз ёшларини тутиб тура олмади.

У ўз нутқида ирқчилик ва иқтисодий нотенгликни АҚШдаги демократияга энг асосий таҳдидлардан бири деб атади, бу ҳақда Би-би-си хабар бермоқда.

Обаманинг фикрича, Америкадаги демократик тузумга сиёсатчиларнинг ғояли фактларни танлаши ҳам хавф туғдиради. Ундаги фикр “бир неча умумий бошланғич фактларга” асосланмаган бўлади.

У бунга иқлим ўзгариши муаммосини мисол тариқасида келтирган. Обама маъмурияти ушбу лойиҳа устида кўп изланиш олиб борган бўлса, АҚШнинг сайланган президенти Дональд Трамп унга эътибор бераётгани ҳам йўқ.

Шунингдек, АҚШнинг ўз лавозимидан кетаётган президенти инсон ҳуқуқларига асосланган жаҳон тартибига диний фанатик ва хорижий автократиялар томонидан келувчи таҳдид ҳақида ҳам эслатиб ўтди.

“Биз ўз қарашларимизни ҳимоя қилишдан воз кечмасак ва ўзининг кичик қўшниларини қўрқитаётган қандайдир йирик давлатга таслим бўлмасак, Россия ёки Хитой каби рақиблар жаҳонга таъсир кўрсатиш борасида бизларга тенглаша олмайди”, - деган Обама.

АҚШ президенти Чикагодаги “Маккормик-плейс” конгресс-марказида хайрлашув нутқи билан чиқиш қилди. У сўнгги нутқини Оқ уйда эмас, балки айнан Чикагода сўзлашга қарор қилганини билдирди. Айнан шу ерда Обама 2008 йилги президентлик сайловларида ғалаба қозонгани ҳақидаги хабарни олган.

Обама билан бирга конгресс-марказга биринчи хоним Мишель Обама ва вице-президент Жо Байден рафиқаси билан келган.

Залда тахминан 20 минг инсон йиғилди. Аввалига тадбирга чипталар бепул тарқатилди, бироқ кейинчалик уларнинг нархи интернетдаги олиб-сотарларда минг доллардан ошиб кетди.

Обама трибунадан рафиқаси Мишелга қараб гапирганда ҳам кўз ёшларини тўхтата олмаган.

Маълумот учун, АҚШнинг биринчи қора танли президенти ҳозирда 55 ёшда бўлиб, у 2008 йилда лавозимига киришган.

Янги давлат раҳбари Дональд Трамп 2017 йилнинг 20 январь куни қасамёд қабул қилиб, ўз лавозимига киришади.

Кун янгиликлари
Дайжест: банкоматли бўладиган Тошкент, йўқ қилинган бир асрли дарахтлар, Озодлик ҳайкалидаги чақириқ ва бошқа хабарлар
21:45 / 22.02.2017 4350 Жаҳон
2017 йилда қишлоқлардаги янги уйларнинг нархи қанча бўлади?
18:44 / 22.02.2017 40551 Ўзбекистон
LG G6 смартфони: Замонавий саноат дизайнидаги янги босқич
14:44 / 22.02.2017 5076 Технология
Путин Суриядаги операцияга алоқадор бўлган бир қатор генералларнинг унвонини оширди
01:00 761 Жаҳон
Ла-лига. «Реал» таъқибчиларидан ўзиб кетиш имкониятини қўлдан чиқарди
00:59 1071 Спорт
Дубайда даҳшатли "дўстона" қотиллик содир этилди
00:54 2654 Жамият
Ғойибдан учиб келган ғилдирак пиёда "қотилига" айланишига бир бахя қолди (видео)
00:46 1347 Жамият
Европа лигаси. Дастлабки учта нимчорак финалчилар номи аниқ бўлди
00:34 969 Спорт
Қозоғистон ва Россия президентлари февраль охирида учрашадилар
00:21 708 Жаҳон
NASA'дан сенсацион янгилик! Ерга ўхшаш яна етти сайёра аниқланди
Кўпроқ янгиликлар