Германияда 2016 йилда рўйхатдан ўтган қочқинлар сони 3 баробар кам бўлди

Жаҳон 11 Январь 2017 2252
Фото: RIA

Германияда 2016 йилда ҳаммаси бўлиб 280 мингга яқин қочқин рўйхатдан ўтган, бу 2015 йилдаги қочқинлар сонидан (890 минг) уч маротаба камроқни ташкил қилди. Бундай маълумотларни Германия ички ишлар вазирлиги келтирди.

"Бу ҳолат Германия ҳукумати ва Европа Иттифоқи қабул қилаётган чоралар ишлаётганини кўрсатади", деб айтди ички ишлар вазири Томас де Мезьер. Унинг айтишича, немис миграция хизматлари "муҳожирлар оқимини тартибга солишга" муваффақ бўлган.

Бошпана бериш илтимоси эса 2016 йилда аксинча кўпайган ва 745,5 мингтани ташкил қилган. Бу кўрсаткич 2015 йилдагидан 268,8 мингтага кўп бўлган. Энг кўп илтимослар Сурия, Афғонистон, Ироқ, Албания ва Эритрея фуқароларидан келиб тушган.

Кўпроқ янгиликлар