Американинг General Motors компанияси акцияларни харид қилиш дастурини 5 млрд долларга кенгайтириб, 14 млрд долларга етказишни режалаштирмоқда. Бундан ташқари, харажатларни қисқартириш режасига 1 млрд доллар қўшилади, шу билан дастурнинг умумий ҳажми 6,5 млрд долларга етказилади. 

GM 2017 йилда соф пул оқимини 6 млрд долларга етказишни тахмин қилмоқда. Компаниянинг бош директори Мэри Барранинг баёнот беришича, General Motors 2017 йилда соф даромадининг сезиларли ўсишини кутмоқда. 2016 йилда GM фойдаси бир акцияга 5,5−6  доллар устама ҳисобидан бўлган. 2017 йилда бу рақам ҳар бир акция ҳисобига 6−6,5 долларга етиши кутилаяпти. 

Барранинг сўзларига кўра, «2016 йил компания учун барча соҳада ажойиб йил бўлган. Компаниянинг 2017 йилги молиявий прогнози Шимолий Америка ва Хитойдаги кўрсаткичларнинг юқори бўлиши, GM Financial (компаниянинг молиявий шўъбаси) даромадининг ўсиши, харажатларни камайтириш самарадорлигининг давом этиши ва Жанубий Америкадаги вазият яхшиланишига доир тахминлар билан боғлиқ».