Канада ташқи ишлар вазири этиб Кристя Фриланд тайинланди, деб хабар бермоқда National Observer.

Мамлакат бош вазири Жастин Трюдо бошчилигидаги вазирлар маҳкамаси янги аъзоларининг қасамёд келтириш маросими 10 январда Оттавадаги Ридо-Холл қароргоҳида бўлиб ўтди.

Фриланд янги лавозимга тайинлангунча халқаро савдо вазири бўлиб ишлаган. У охирги 24 йил ичида Канада ташқи ишлар вазири бўлган биринчи аёл бўлди.

Аввалроқ Трюдо вазирлар маҳкамаси таркибини Дональд Трамп АҚШ президенти лавозимини бажаришга киришгач қайта шакллантирмоқчи эканлиги маълум қилинганди.