Норвегия дунёда биринчи бўлиб рақамли радиоэшиттиришларга ўтишни бошлаб берди

Технология 11 Январь 2017 3594
Фото: Reuters

Норвегияда рақамли радиоэшиттиришларга ўтиш жараёни бошланди: мамлакат шимоли-ғарбида жойлашган Нурланн губернияси нафақат мамлакат, балки дунё миқёсида анъанавий миллий FM тармоғини ўчирган  биринчи маскан бўлди. 

"11 январь, чоршанба куни соат 11:11да NRK'нинг энг йирик миллий радиоканаллари - P4 ва Radio Norge анъанавий FM тармоқларида фаолият юритишни тўхтатди", - дейилади Нурланн губерниясининг Avisa Nordland номли маҳаллий газетасида. Тарихий воқеа тантанали шароитда, Норвегия ҳукумати вакиллари ва Норвегия Радиоси иштирокида бўлиб ўтди. 

Рақамли радиоэшиттиришларга ўтиш ҳақидаги қарор Норвегияда 2015 йилнинг баҳорида ҳукумат ва парламент томонидан қабул қилинган эди. FM тармоқларини ўчириш ишлари мунтазам равишда амалга оширилади ва 2017 йилнинг 13 декабрида тугалланади. Масалан, Ослода рақамли радиоэшиттиришларга ўтиш сентябрь ойида амалга оширилади. 

Мамлакатда бу технологиянинг қўлланилиши бундан буён Норвегия миллий радиоканалларини телевизорлар, интернет ёки DAB (Digital Audio Broadcasting)радиоприёмниклардан тинглаш имконини беради. Норвегияда 2022 йилга қадар фақат муайян ҳудудий радиостанцияларгина FM тўлқинларда ишлашда давом этади. 

Янги технологияларга ўтиш анча баҳс-мунозараларга сабаб бўлди. Бироқ Норвегия ҳукумати ўз қарорида қатъий турди, радиоэшиттиришларга кетадиган харажатларнинг кескин камайиши ва фавқулодда ҳолатларда ҳам алоқанинг яхшилиги  янги технологиянинг асосий устунлиги сифатида кўрсатилди.

Рақамли радиоэшиттиришларга ўтиш масаласи икки йил аввал Швецияда ҳам муҳокама қилинган эди, бироқ бу борада якуний хулосага келинмаган ва мавзу бошқа муҳокамага қўйилмаган. 

Норвегия FM-радиодан воз кечмоқда

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 6995 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 18873 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 44742 Жамият
Кун.uz офис изламоқда
15:48 / 06.08.2017 46461 Lifestyle
Балиқни саноат йўли билан овлаш учун қандай участка олиш мумкин?
11:18 477 Жамият
Россия Ўзбекистон, Қирғизистон ва Тожикистон билан ҳарбий машғулотлар ўтказади
10:45 2134 Жаҳон
Видео: АҚШда асосчи оталар монументини йўқ қилишни исташмоқда
10:40 2831 Жаҳон
Андижон вилоятида йирик миқдорда ўғирлик қилган аёл ушланди
10:33 3668 Жамият
Неймар: «Барселона»да шундай раҳбарият бор экани жуда қайғули
10:31 4720 Спорт
Жанубий Корея президенти: АҚШ билан машқлар кескинликни оширишга йўналтирилмаган 
10:23 1333 Жаҳон
Кўпроқ янгиликлар