Samsung раҳбарининг ўринбосари коррупция иши бўйича сўроққа чақирилди

Жаҳон 11 Январь 2017 3350
Фото: EPA

Жанубий Кореянинг Samsung корпорацияси вице-президенти Ли Чжэ Ён мамлакат прокуратурасига сўроққа чақирилган. Уни Корея республикасининг импичментдаги президенти атрофидаги коррупция можароси билан шуғулланувчи махсус комиссия чақирган. Бу ҳақда комиссиянинг расмий вакили маълум қилмоқда. 

"Ли Чжэ Ён пора берганликда гумон қилинаётгани муносабати билан кўрсатмалар бериши учун 12 январда келиши керак", - деган расмий вакил матбуот анжуманида. Тергов томонига кўра, Samsung раҳбарияти вакили Корея президенти Пак Кин Хенинг яқин дугонаси Чхве Сун Силга бизнес юритишда айрим енгилликлар тақдим этилишига жавобан молиявий ёрдам кўрсатишга қарор қилган.
 
Хусусан, корпорация Чхве Сун Силь ва унинг қизи номига Германияда рўйхатдан ўтказилган фирма ҳисобига, гўёки кўрсатилган консалтинг хизмати учун 18 млн доллардан ортиқ маблағни ўтказган. Терговчиларнинг фикрича, бунинг натижасида Samsung компаниясининг айрим шохобчалари бирлашишида кўмак берилган. Уларнинг катта миқдордаги акциялари эса, давлат Пенсия жамғармасига тегишли бўлган. 

Гумонларга кўра, Чхве Сун Силь мамлакат президентигига яқинлигидан фойдаланиб, спорт ва маданиятни ривожлантириш баҳонасида Жанубий Кореядаги кўплаб компанияларни ўзи ташкил этган ноҳукумат жамғармаларига хайрия маблағлари ўтказишга мажбурлаган. Бунда, маблағларнинг аксариятини ноқонуний равишда ўзлаштириб олган. 

Терговчиларнинг фикрича, Корея республикаси президенти Пак Кин Хе дугонасининг бу ишларидан ҳеч бўлмаганда хабардор бўлган. Ушбу можаро туфайли, мамлакат раҳбари вақтинча лавозимидан четлаштирилган. 2016 йил 9 декабрда Корея парламенти унинг импичменти учун овоз берган эди. Ҳозирда, унинг вазифаларини бош вазир Хван Гё Ан бажармоқда. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34847 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73393 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 138099 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 770 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2987 Жамият
Виталий Денисов футболга қайтганидан хурсанд
02:29 1740 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2192 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Ла-лига. «Атлетико» бир киши кам бўлиб, мағлубиятдан қутулиб қолди
01:56 1399 Спорт
Кўпроқ янгиликлар