Тошкент ҳокимияти алимент тўламайдиганларга қарши жиддий курашади

Жамият 11 Январь 2017 21425

Тошкент ҳокимиятида 6 январь куни алимент тўламаслик муаммосига бағишланган матбуот анжумани бўлиб ўтди.

Ўтган йилнинг 1 декабри маълумотига кўра, Ўзбекистон пойтахтида суд ижрочилари бўлимлари иш юритувида 21,904та алимент ундируви билан боғлиқ ижро ҳужжатлари мавжуд бўлиб, шундан 9307таси ёки 42 фоизи кейинги 2 йил давомида қўшилган.

Ўзбекистон Республикаси бош вазирининг виртуал қабулхонаси орқали ўтган йилнинг сентябрь ойидан бошлаб 3 ой муддат ичида Адлия вазирлиги ҳузуридаги Суд қарорларини ижро этиш, судлар фаолиятини моддий-техник жиҳатидан ва молиявий таъминлаш департаменти Тошкент шаҳар ҳудудий бошқармасига келиб тушган жами 1524та мурожаатдан 688таси (45,1 фоиз) даврий алимент қарздорликлар билан боғлиқ масалаларни ташкил қилган.

21 декабрь куни Тошкент шаҳар ҳокимлиги, Адлия вазирлиги ҳузуридаги Суд қарорларини ижро этиш, судлар фаолиятини моддий-техник жиҳатидан ва молиявий таъминлаш департаменти Тошкент шаҳар ҳудудий бошқармаси, Тошкент шаҳар ИИББ, «Маҳалла» хайрия жамоат фонди Тошкент шаҳар бўлими ва Меҳнат бош бошқармаларининг алимент тўловларига оид ижро ҳужжатлари ижросини муддатида тўлиқ ва сифатли бажарилиши бўйича ҳамкорлигини янада ошириш, шунингдек, бу борада идоралараро назорат ҳамда ахборот алмашинувининг самарали тизимини жорий этиш мақсадида қўшма қарор қабул қилинган. У «Тошкент шаҳрида ота-она ҳамда болаларнинг мулкий ҳуқуқ ва мажбуриятлари бўйича давлат органлари ва жамоат ташкилотлари билан ҳамкорлигини янада кучайтиришга қаратилган қўшимча чора-тадбирлари тўғрисида» деб номланган.

Матбуот анжуманида қайд этилишича, эндиликда алиментларни ундириш ишлари нафақат суд ижрочилари, балки бошқа давлат органлари ва жамоат ташкилотлари, жумладан, участка милиция нозирлари, маҳалла қўмиталари вакиллари ва иш билан таъминлаш бўлимлари билан ҳамкорликда амалга оширилади.

«Газета.uz» хабарига кўра, алимент тўлаш бўйича қарзи бўлган ишсиз фуқаролар қонуний тартибда ишга жалб қилинади. Меҳнат бошқармаси маҳаллалар, ички ишлар органлари ва суд ижрочилари билан биргаликда қарздорга мониторинг асосида вакансияларни таклиф этади. Рад этилган тақдирда, суд ижрочиларига улар ишини жиноий судларга топшириш ҳуқуқи берилди.

Бўлғуси суд ишларининг олдини олиш учун судларга ажрашув тўғрисидаги ишларни кўриб чиқишда бир вақтнинг ўзида мол-мулкни бўлиб олиш, болалар таъминоти, алиментларни тўлаш ва фарзандларнинг у ёки бу ота-она билан яшаши масалаларини ҳам кўриб чиқиш таклиф қилинди. Никоҳ шартномаларини мажбурий равишда жорий этиш имкониятлари ҳам кўриб чиқилмоқда.

Алиментларнинг тўланмаслигига қарши кураш бўйича таклиф этилаётган чоралар қаторидан қарздорлар ва уларнинг оила аъзолари билан тушунтириш ишлари олиб бориш ҳам кўзда тутилмоқда. Қарздорлар, аввалгидек, чет элга чиқиш имкониятидан вақтинча маҳрум этилади.

Тадбирда тақдим этилган маълумотларга кўра, Тошкентдаги маҳаллаларнинг психологлар ва ҳуқуқшунослар жалб қилинган яраштирув комиссиялари фаолияти самараси ўлароқ 1361 бола тарбияланаётган 1012 оиланинг ажралиб кетиши олди олинди.

Кун янгиликлари
Бош прокуратура Гулнора Каримовага нисбатан жиноий иш тафсилотларини ошкор қилди
Ўқитувчилар мажбурий меҳнатга жалб этилиши факт. Барча сукут сақламоқда
21:00 / 26.07.2017 107136 Ўзбекистон
Оққон билан оғриган 5 ёшли бола тезкор ёрдамга муҳтож
17:52 / 24.07.2017 45784 Жамият
ЖАРда имо-ишоралар тилига давлат тили мақоми берилиши мумкин
23:30 14 Жаҳон
Ақлдан озаётган рақамлар. «Монако» Мбаппе учун янги нарх белгилади
23:25 453 Спорт
Бухородаги даволаниш масканларида ўғрилик содир этилди
23:16 431 Жамият
Тарихда илк марта халқаро космик станция экипажига олим раҳбарлик қилади
23:12 325 Жаҳон
22 нафар давлат хизматчиси Кореяда ахборот технологиялари бўйича таълим олиб қайтади
Республика Маънавият ва маърифат маркази қайта ташкил этилади
Нукусда арзон нархли телевизор ва кондиционерлар ишлаб чиқарадиган корхона ишга тушади
Кўпроқ янгиликлар