Трамп маслаҳатчиси: АҚШ ўз иродасини ўтказиш учун жуда кўп вақт сарфлади

Жаҳон 11 Январь 2017 3507

АҚШнинг янги сайланган президенти Дональд Трамп ва унинг атрофидаги шахсларнинг фикрича, АҚШ ўз иродаси ва либерал қадриятларини бошқа мамлакатларга сингдириш учун жуда кўп вақтини сарфлаган. Вашингтон янги раҳбар билан кўп ҳолларда бошқа мамлакатлар анъаналари ва манфаатларини ҳам ҳисобга ола бошлайди. Бу ҳақда Трампнинг миллий хавфсизлик бўйича маслаҳатчиси ёрдамчиси  Кэтлин Макфарленд Вашингтондаги Тинчлик институтида бўлиб ўтган анжуманда баёнот берган. 

"Балким, биз улар нимани ўйлаши кераклигини англатиш учун кўп вақт сарфлагандирмиз", - деган маслаҳатчи. Шу билан бирга, Макфарленднинг ваъда қилишича, АҚШнинг янги ҳукумати хорижий ҳамкорларнинг манфаатларини ҳам ҳисобга ола бошлайди. 

У, шунингдек, АҚШнинг истеъфога чиқаётган маъмурияти юритган ташқи сиёсатни ҳам танқид қилган. "Америка ташқи сиёсатининг сўнгги 15 йиллик тарихи бахтли ҳодиса эмас эди", - деган АҚШнинг 45-президенти маслаҳатчиси. 

Шу билан бирга, Трамп маъмурияти Америка ташқи сиёсатининг томини бутунлай бузиб ташламайди, балки "моҳирона созламалар"ни ўтказади.

"Албатта, Американинг ҳарбий даврдан кейинги тарихининг узвий қисми бўлган нарсалардан умуман воз кечиш хусусида ҳеч ким сўз юритгани йўқ. Бироқ, уларни қайта созлаш керак", - деган Макфарленд.

Унинг таъкидлашича, "вақт синовидан ўтган қоидалар Трамп ташқи сиёсатининг пойдевори бўлади". "Гап Америка қадриятлари, Американинг глобал миқёсдаги етакчилиги ҳақида бормоқда. У сақлаб қолинади. Аммо, унинг шакли ўзгариши мумкин. Бу борада турли имкониятлар мавжуд", - дея изоҳлаган Трамп маслаҳатчиси. 

Макфарленд, шунингдек, Суриядаги вазият юзасидан фикрларини билдирар экан, уни АҚШ ҳукумати учун "энг йирик чақириқлардан бири" сифатида тан олган. 

Бундан ташқари, Трампнинг миллий хавфсизлик бўйича маслаҳатчиси ёрдамчиси эҳтимолий хакерлик ҳужумларининг Трамп ғалабасини таъминлашга ёрдам берганига оид таъкидларни кескин рад этган. 

"Россияликлар нима қилишидан қатъи назар, сайлов натижасига таъсир кўрсатганига оид бирорта далил йўқ. Ҳиллари Клинтон ва демократларнинг мағлубиятини Россия зиммасига юкламоқчи бўлганлар хато қилади. Ўйлайманки, демократларнинг бундай уринишлари хато", - деган Макфарленд. 

 

Кун янгиликлари
Uzbek Tigers‘нинг чорак финалдаги рақиби маълум
15:58 / 24.04.2017 32875 Спорт
Kun.uz Наманганга боради. Вилоят ҳокими учун саволлар қабул қилинади
12:45 / 24.04.2017 11767 Жамият
Марселдаги сайлов участкасида ноодатий ҳолат юз берди
00:46 447 Жаҳон
Телебошловчи АҚШ давлат департаменти матбуот котиби бўлди
00:39 377 Жаҳон
Хитойликлар Россия ўрмон хўжалигига катта маблағ киритишмоқчи
23:37 / 24.04.2017 1046 Жаҳон
Франциядаги сайлов, Испаниядаги класико, долларнинг янги чўққиси ва куннинг бошқа хабарлари
23:05 / 24.04.2017 1771 Ўзбекистон
Семиришдан қўрқмай ҳар куни истеъмол қилиш мумкин бўлган ширинликлар номи маълум қилинди
23:01 / 24.04.2017 3736 Lifestyle
Грин кард: фирибгарлар домига тушиб қолманг!
22:52 / 24.04.2017 3615 Жамият
2018–2022 йилларда иссиқлик таъминоти тизимини ривожлантириш дастури тўғрисида президентнинг янги қарорга шарҳ
22:34 / 24.04.2017 1881 Ўзбекистон
Тадбиркорларнинг пластик карталаридан исталган харидни амалга оширишга рухсат берилди
22:29 / 24.04.2017 9734 Ўзбекистон
Кўпроқ янгиликлар