Жаҳон банки Ўзбекистон иқтисодиётига 2017 йил бўйича ўсиш прогнозини берди

Иқтисодиёт 11 Январь 2017 6971

Ўзбекистон ялпи ички маҳсулотининг 2017 йилдаги реал ўсиши 7,4 фоизни ташкил қилади. Бу ҳақда Жаҳон банки томонидан тақдим этилган «Жаҳон иқтисодиёти истиқболлари» ҳисоботида айтилади.

Жаҳон банки 2017 йилнинг 10 январь куни «Жаҳон иқтисодиёти истиқболлари» ҳисоботини тақдим этди. Унда ўтган йилги ўсиш кўрсаткичларининг паст даражасидан сўнг, 2017 йилда жаҳон иқтисодиёти ўсиш суръати бироз тезлашиши (2,7 фоизгача) айтилади.

Банк экспертларининг тахминига кўра, Ўзбекистон иқтисодиётида ўсиш даражаси 2018 ва 2019 йилларда 7,4 фоиз атрофида сақланиб қолади. Шуни таъкидлаб ўтиш лозимки, Жаҳон банки Ўзбекистон ЯИМнинг 2017 йилдаги ўсиш даражасига оид прогнозини июнь ойи прогнозлари билан таққослаганда 0,2 фоиз пунктга яхшилади.

Жаҳон банки прогнозларига кўра, Ўзбекистон ялпи ички маҳсулоти 2016 йилда 7,3 фоизга ўсган.

Кўпроқ янгиликлар