АҚШнинг Кувайтдаги базасида хизмат ўтаётган ҳарбий ўзини отиб ташлади, деб маълум қилди Кувайт ички ишлар вазирлиги ўз сайтида.

Воқеа мамлакатнинг жанубида юз берган. Ҳарбий шифохонага келгач жон берган.

Полициячилар воқеа тафсилотларини аниқлаштиришмоқда.

"Франс Пресс" ахборот агентлиги маълумотларига кўра, Пентагон ҳарбийнинг "ҳарбий ҳаракатлар билан боғлиқ бўлмаган бахтсиз воқеа" сабабли ҳалок бўлганини тасдиқлаган.  

Маълум қилинишича, Ал-Кувайтдан жанубдаги Орифжон базасида АҚШнинг бир неча минг аскари жойлашган.