Россияда икки ёшли боланинг исми Расулдан Путинга алмаштирилди

Жаҳон 12 Январь 2017 14353

Владимир вилоятидаги (Россия) Александров туманида истиқомат қилувчи оила ўзининг икки ёшли фарзанди Расулнинг исмини Путинга ўзгартирди. Бу ҳақида Александров туман ФҲДЁ раҳбари Екатерина Белоус РИА "Новости"га хабар берди

Агентлик суҳбатдошининг сўзларига кўра, ФҲДЁга икки ёшли ўғли Расулнинг исмини ўзгартириш истагини билдирган Жўраевлар оиласи мурожаат қилган. Боланинг ота-онаси унинг исмини Путинга ўзгартиришга қарор қилишган. 

"Бола Москва шаҳрида туғилган ва шу ерда рўйхатга олинган. Бироқ Владимир вилоятида яшайди, шу боис оила вакиллари унинг исмини ўзгартириш учун бизга мурожаат қилишга ҳақлидирлар... Биз бу борада Москвага сўров юбордик, у ерда мутахассислар ҳужжатларга ўзгариш киритишди ва бизга туғилганлик ҳақидаги гувоҳноманинг янги нусхасини йўллашди. Бола ҳужжатда Путин Жаҳонгирович Жўраев, дея қайд этилди", - деди ФҲДЁ раҳбари. 

Маҳаллий ОАВ маълумотига кўра, Жўраевлар оиласи асли Тожикистондан. Улар Александров туманидаги Легково қишлоғида яшайдилар. Боланинг исмини ўзгартириш ғояси унинг РФ президентини қаттиқ ҳурмат қилувчи бобосидан чиққан. 

Кўпроқ янгиликлар