Фото: Twitter/FCBarcelona

«Барселона» Испания кубоги 1/8 финали жавоб учрашувида «Атлетик» билан учрашди. Учрашув 3:1 ҳисобида каталонияликлар фойдасига ҳал бўлди.

Учрашувдаги голлардан бирини уругвайлик футболчи Луис Суарес киритди ва бу унинг «Барса» сафидаги 100-голи бўлди.

29 ёшли футболчига бу юбилей голга эришиш учун жамоа сафида 120 та ўйин ўтказиш кифоя қилди.

Шунингдек, бу гол «Барса» ҳужумкор боғламининг 300-голи бўлди: Лионель Месси (124), Неймар (76) ва Суарес (100) бирга ўйнаётганларидан бери умумий ҳисобда айнан шунча гол киритишган.