Тиллерсон Украинага ўқотар қуроллар етказиб бериш ғоясини маъқуллади

Жаҳон 12 Январь 2017 5203
Фото: AP

АҚШ давлат котиблиги учун номзод Рекс Тиллерсон Сенатдаги эшитувларда Украинага ўқотар қуроллар етказиб бериш фикрини билдирган. Унинг фикрича, Донбассда жанговар ҳаракатлар давом этадиган бўлса, Америка томони шундай йўл тутиши керак. 

«Менимча, Украина ўзини зиддиятнинг кенгайиши ёки агрессиядан ҳимоя қила олиши учун қўллаб-қувватлашимиз керак», — деган Тиллерсон. 

Давлат котиблигига номзод, шу мазмундаги саволга жавоб берар экан, қайд этишича, бундай қарор қабул қилиш учун турли манфаатдор идоралар иштирокида миллий хавфсизлик кенгаши билан маслаҳатлашади. Шу билан бирга, у жанговар қурол-яроғлар етказиб бериш қарорини маъқуллашини тасдиқлаган. 

Аввалроқ, Тиллерсон Россия Қримни эгаллаб олиш билан Украинага нисбатан агрессорга айланганини айтган эди. 

Кўпроқ янгиликлар