Тожикистон президенти Душанбе ҳокими лавозимини "бегона қилмади"

Жаҳон 12 Январь 2017 47781
Фото: AP

Тожикистон президенти Эмомали Раҳмон пойтахт Душанбе шаҳри ҳокими этиб ўзининг тўнғич ўғлини тайинлади. Бу ҳақда РИА “Новости” ахборот агентлиги хабар бермоқда.

Ахборот агентлиги маълумотларига кўра, 12 январда Раҳмон Душанбе ҳокими лавозимидан Маҳмадсаид Убайдулоевни озод этган. "Убайдулоев бу лавозимни 15 йилдан кўпроқ эгаллаган. Унинг ўрнига президент тўнғич ўғли, бунгача Коррупцияга қарши кураш ва молиявий назорат агентлиги раҳбари лавозимини эгаллаган Рустам Эмомалини тайинлади", деб маълум қилди ахборот агентлиги манбаси. 

Шунингдек, ҳоким ўринбосарлари ва туманлар раислари ҳам ўзгартирилган. 

Аввалроқ Раҳмоннинг қизи Озода Раҳмон сенатор бўлгани маълум қилинганди. Бунгача у президент маъмурияти раҳбари бўлиб ишлаган. Озода Раҳмон 1978 йил 3 январда туғилган. Мутахассислиги ҳуқуқшунос, фавқулодда ва мухтор элчи дипломатик мавқеига эга. У тожик, рус ва инглиз тилларини билади, 5 фарзанднинг онаси. Унинг турмуш ўртоғи Жамолиддин Нуралиев Тожикистон Миллий банки раиси биринчи ўринбосари бўлиб ишлайди.

Тожикистон президенти серфарзанд раҳбар ҳисобланади, унинг 9 нафар фарзанди – 7 қизи (Фируза, Озода, Руҳшона, Тахмина, Парвина, Заррина ва Фарзона) ва 2 ўғли (Рустам ва Сомон) бор.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 25241 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 12054 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 83452 Ўзбекистон
Барселона марказида микроавтобус йўловчилар устига бостириб кирди
20:53 7 Жаҳон
Душанбеда ўқувчиларни 10-синфга қабул қилишда "тозалаш" ишлари олиб борилмоқда
20:49 172 Жаҳон
Яна икки ўлим: Саудия Арабистони сўнгги тўрт ойда уч шаҳзодасидан айрилди
20:39 2175 Жаҳон
Тарихда биринчи марта Сатурн атмосферасига киришга муваффақ бўлинди
20:25 952 Жамият
ФИФА йил футболчиси бўлиш учун асосий даъвогарлар рўйхатини эълон қилди
20:19 3280 Спорт
Япониядаги барда маймунлар официантлар сифатида ишламоқда
20:06 1461 Жамият
Конте Белотти трансферини истамоқда, Абрамович бунга қарши
20:06 883 Спорт
Кўпроқ янгиликлар