Ўзбекистон ва Хитой археологлари Фарғона водийсида энг йирик қаср-шаҳарни топишди

Жамият 12 Январь 2017 18007

Ўзбекистон ва Хитой археологларидан иборат гуруҳ Фарғона водийсининг жануби-шарқида жойлашган Мингтепа қадимий шаҳри қолдиқларини қазиш вақтида аҳамиятли кашфиёт қилишди. Бу ҳақида Хитой ижтимоий фанлар академияси (ХИФА) археологлари форумида маълум қилинди. Синьхуа нашри шу ҳақида хабар берди. 

Манбага кўра, икки мамлакат археологлари бу ерда 2012 йилдан буён беш марта қазиш ишларини олиб боришгани туфайли қазилма ишлари олиб борилган майдон 500х800 метрдан 2100x1300 метрга кенгайган. Қазилма натижалари шундан далолат берадики, 2000 йилдан зиёд вақт аввал Мингтепа кўчманчиларнинг вақтинчалик қалъаси эмас, тўлақонли қаср-шаҳар бўлган. Шунингдек у Фарғона водийсидаги энг йирик қаср ҳамдир. 

Қазилма ишлари олиб борилган пайтда устахоналар харобалари, ички шаҳар ғарбий дарвозаларининг қолган қисми ва ташқи шаҳар шарқий девори ёнидаги қабристон топилган.

ХИФА қошидаги Археология институти вакили Чжу Яньшининг сўзларига кўра, ўзбек археологлари шаҳарчанинг ер устидаги тадқиқотлар билан яхши таниш бўлса, хитойлик археологлар унинг ер ости қисмидаги қазилмалар борасида кучлидир. Шу боис томонлар ана шундай қониқарли натижаларга эришишга муваффақ бўлишди. 

Минггепа ҳозирги Андижон шаҳри яқинида бўлиб, Ўзбекистоннинг жануби-шарқида жойлашган. У ўз вақтида Ўрта Осиёдаги қадимий Довон (Паркон) давлати ҳудудига кирган. 

Маълум бўлишича, Мингтепа тадқиқоти узоқ муддатли лойиҳа ҳисобланади. Археологларнинг олдинда турган вазифаси - қазилма пайтидаги кашфиётлар ва ўлчов маълумотлари асосида Минггепа солномасини тузиш.

Ҳозирга келиб, хитойлик археологлар Буюк ипак йўли бўйлаб жойлашган бир қатор мамлакатлар, шу жумладан Вьетнам, Камбоджа, Лаос, Мўғулистон, Бангладеш ва Покистондаги қўшма лойиҳаларга қўшилишган.

 

Кун янгиликлари
МХХ 2 тоннадан ортиқ гиёҳвандлик воситаларини ёқиб юборди
16:00 / 23.06.2017 23383 Ўзбекистон
Қозоғистонда ЙТҲ туфайли ҳалок бўлган ўзбекистонликлар рўйхати эълон қилинди 
12:46 / 23.06.2017 62681 Ўзбекистон
Салоҳиддин Шарипов: “Ҳалол луқма – инсон саодатининг калитидир”
22:51 / 22.06.2017 27375 Жамият
Хайрулла Ҳамидов: “Огоҳлантиришсиз чалинган қўнғироқ”
16:13 / 21.06.2017 67237 Спорт
Русларнинг Су-27 қирувчи самолёти Американинг разведкачи-самолёти билан яқинлашди (фото)
01:20 888 Жаҳон
Ҳайит байрамини муносиб кутиб олишнинг 17 одоби
00:38 2011 Жамият
Туркиядаги аквапаркда беш киши ҳалок бўлди
00:32 1127 Жаҳон
Дональд Трамп Жонни Деппнинг ҳазилидан хафа бўлди
00:17 2320 Жаҳон
МДҲ давлатларининг 7 мингдан зиёд фуқароси терроризмга алоқадорлиги сабабли халқаро қидирувда
00:01 1050 Жаҳон
Трамп АҚШда араб мамлакатлари раҳбарлари иштирокида саммит ўтказмоқчи
23:56 / 23.06.2017 613 Жаҳон
Кўпроқ янгиликлар