Дубайдаги Damac девелоперлик компанияси Дональд Трампнинг The Trump Organization компанияси қиймати икки миллиард доллар бўлган қўшма лойиҳалардан воз кечганини маълум қилди. Бу ҳақда The National нашрида хабар берилган.

Damac вакилининг хабар беришича, “музокаралар ўтказилди, бироқ Трампнинг компанияси таклифларни рад этди”.

“Бу таклифлар кўчмас мулк соҳасига тегишли эди”, - деди у.

Damac миллардернинг компаниялари билан биринчи битим – Трамп номидаги гольф-клуб ҳақида 2013 йилнинг майида маълум қилганди. Унинг қурилиши деярли якунланди ҳамда февралда ўз ишини бошлаши кутилмоқда.

Бошқа лойиҳалар ҳам кўчмас мулк соҳаларига тегишли бўлган.