Халқаро Олимпия қўмитаси бир қатор спортчиларни Олимпиада медалларидан маҳрум қилди

Спорт 13 Январь 2017 14700
Фото: Getty Images

Халқаро Олимпия қўмитаси (ХОҚ) 2008 йилги Пекин Олимпиадасида олтин медалларни қўлга киритган хитойлик аёл оғир атлетикачилар Цао Лэй, Чэнь Сеся ва Лю Чуньхунни уларнинг допинг-намуналари қайта текширилгандан кейин медалларидан маҳрум қилди.

Хитойликларнинг намуналарида ўсиш гормони стимуляторлари аниқланган. Цао Лэй 75 кг гача, Чэнь Сеся 48 кг гача, Лю Чуньхун 69 кг гача вазн тоифасида олтин медалларни қўлга киритгандилар.

Бундан ташқари, ХОҚ ушбу Олимпиадада ядро улоқтиришда бронза медалини қўлга киритган беларуслик Надежда Остапчук ва болға улоқтиришда 4-ўрин олган Дарья Пчельникнинг натижаларини бекор қилди. Остапчук намунасида туринабол ва тамоксифен, Пчельникникида эса туринабол тақиқланган воситалари аниқланган.

2012 йилги Лондон Олимпиадасида олинган допинг-намуналар қайта текширилиши туркиялик Сибель Симсек (оғир атлетикада 4-ўрин, туринабол ва станозолол тақиқланган воситалари), озарбайжонлик Интигам Заиров (оғир атлетикада 6-ўрин, туринабол) ва Норайр Варданян (оғир атлетикада 11-ўрин, туринабол) намуналарида тақиқланган воситалар борлигини кўрсатган.

ХОҚ спортчилардан медаллар ва дипломларни қайтариб беришни сўраган.

ХОҚ томонидан ўтказилган қайта текширишларда Пекин (60 нафар) ва Лондон (38 нафар) Олимпиадаларида иштирок этган 98 спортчининг намунасида тақиқланган моддалар борлиги аниқланган. Шу билан бирга, 23 медалчининг допинг-намуналари ижобий натижа берган. Қайта текшириш учун ҳаммаси бўлиб Пекин ва Лондон Олимпиадаларидан 1243 допинг-намуна танлаб олинган.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 8821 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 42998 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 69431 Ўзбекистон
Кун.uz офис изламоқда
15:48 / 06.08.2017 40163 Lifestyle
50 минг сўмлик купюра чиқиши инфляцияга таъсир кўрсатадими? Экспертлардан баҳсли фикрлар
КХДР Хитойдан озиқ-овқат маҳсулотлари импортини бир неча баробарга оширди
14:48 321 Жаҳон
Африканинг энг бой одами АҚШ ва Европага 50 млрд доллар сармоя киритади
14:46 938 Жаҳон
Камқонликда озиқланишнинг уч қоидаси 
14:26 2706 Жамият
Мирзиёев Қозоғистон мудофаа вазири билан ҳарбий ҳамкорликни муҳокама қилди
Януковичга давлат томонидан тақдим этилган адвокат уни ҳимоя қилишдан бош тортди
13:32 2192 Жаҳон
Кўпроқ янгиликлар