Испания кубоги 1/8 финалининг жавоб ўйинида "Севилья" ўз уйида "Реал Мадрид"ни қабул қилди. Голларга бой бўлган учрашув 3:3 ҳисобидаги дуранг билан якунланди. 

Дастлаб ҳисоб меҳмонлар ҳимоячиси Данилонинг автоголи эвазига очилди. Иккинчи бўлимнинг илк дақиқаларида Асенсио ўз жарима майдончасида тўпни қабул қилиб, тезкорлик билан рақиблардан ўзиб кетди ва ҳисобни тенглаштирди. 53-дақиқада Йоветич мезбонларни олдинга олиб чиқди, 77-дақиқада эса Иборра орадаги фарқни оширди. 83-дақиқада Рамос пенальтини аниқ амалга ошириб, жамоасининг иккинчи голини киритди. Ўйинга қўшиб берилган вақтнинг сўнгги дақиқасида Бензема рақибларни чиройли тарзда алдаб ўтиб, жамоасига дуранг натижа тақдим қилди. 

Ушбу дурангдан сўнг Зидан шогирдлари қаторасига 40та учрашувда мағлуб бўлмай, "Барселона" рекордини янгилади. 

Севилья – Реал Мадрид 3:3 (Биринчи ўйин 0:3)

Голлар: 1:0 – 10, автогол Данило, 1:1 – 48 Асенсио, 2:1 – 53 Йоветич, 3:1 –77 Иборра, 3:2 – 83, пенальти Рамос, 3:3 – 90+3 Бензема.
Севилья – Сория, Меркадо (Витоло, 65), Рами, Лангле, Эскудеро, Сарабия, Иборра, Корреа (Йоветич, 45), Краневиттер, Вьетто (Насри, 55), Бен-Йеддер.
Реал Мадрид – Касилья, Рамос, Данило, Начо, Марсело, Асенсио, Каземиро, Кроос, Васкес (Карвахаль, 64), Диас (Ковачич, 58), Мората(Бензема, 76).
Огоҳлантиришлар: Меркадо (7), Васкес (13), Иборра (62), Ковачич (63), Йоветич (72), Касилья(72), Каземиро (84), Марсело (88).

Қирол кубогининг қолган икки ўйинида қуйидаги натижалар қайд этилди:

Эйбар – Осасуна 0:0 (Биринчи ўйин 3:0)
Огоҳлантиришлар:
Гарсия Субирия (54), Эскаланте (69), Санхурхо (83).

Сельта – Валенсия 2:1 (Биринчи ўйин 4:1)
Голлар:
1:0 – 61 Росси, 1:1 – 63 Винисиус Араужо, 2:1 – 90 Систо.
Огоҳлантириш: Мангаля (60).