Бугун 13 январь куни британиялик актёр Орландо Блум 40 ёшга тўлди. У илк марта театр саҳнасига 16 ёшида чиққан, кейин сериалларда суратга тушган ва фильмларда кичик ролларни ижро эта бошлаган. Унинг кинодаги ҳақиқий карьераси Питер Жексоннинг “Узуклар ҳукмдори” фильмидан бошланган – у Фарамир ролига кастингдан ўтмоқчи бўлган, бироқ режиссёр унда эльф Леголасни кўрган. Трилогия ёш актёрни бутун дунёга танитди ва бошқа катта лойиҳаларда иштирок этишга имкон яратди: Вольфганг Петерсеннинг “Троя”сида у Парисни ўйнаган, “Кариб денгизи қароқчилари” франшизасида эса унга бош роллардан бири – Уилл Тернер роли насиб этди. Бундан ташқари, у Ридли Скоттнинг “Само қироллиги”, тарихий фильмида ҳам суратга тушган, “Хоббит” трилогиясида эса яна Леголас ролига қайтган. Аслида Толкиннинг қиссасида бу персонаж бўлмаган бўлса-да, киноверсияда Жексон “Узуклар ҳукмдори”даги кўп қаҳрамонларни жалб этишга қарор қилган.

“Узуклар ҳукмдори” фильмидан лавҳа, 2001 йил

Кира Найтли ва Орландо Блум. “Кариб денгизи қароқчилари: Қора марварид фалокати”, 2003 йил

“Троя” фильмидан лавҳа, 2004 йил

“Само қироллиги” фильмидан лавҳа, 2005 йил

“Нью-Йорк, сени севаман” фильмидан лавҳа, 2008 йил

Модель Миранда Керр ва Орландо Блум 2010 йилнинг 22 июлида турмуш қуришган. 2011 йилнинг 6 январида жуфтликнинг Флинн Блум исмли ўғли дунёга келган. 2013 йилнинг октябрида жуфтлик расман ажрашган.

2014 йилда Орландо Блум Ҳолливуддаги Шон-шуҳрат хиёбонида ўз юлдузига эга бўлди. Бу ерга актёр ўғли Флинн Блум билан ташриф буюрди.