Пан Ги Мун Жанубий Корея президентлик сайловида иштирок этиш ҳуқуқига эга

Жаҳон 13 Январь 2017 3645

БМТ собиқ бош котиби Пан Ги Мун узоқ вақт мамлакат ташқарисида бўлганига қарамай, Корея республикасидаги президентлик сайловида қатнашиш ҳуқуқига эга. Бу ҳақда, Жанубий Корея Марказий сайлов комиссиясида маълум қилишди. 

Матбуот баённомасида қайд этилишича, "сайлов қонунчилиги мамлакатнинг Корея республикасида 5 йилдан ортиқ истиқомат қилган ва 40 ёшдан ошган ҳар қандай фуқаросига президентлик учун номзодини илгари суришга рухсат беради". "Шундай қилиб, Пан Ги Мун давлат раҳбарлиги учун сайловларда ўз номзодини илгари суриш ҳуқуқига эга", - дея хулоса қилади МСК. 

Аввалроқ, бу мавзу мамлакатда кенг муҳокамага сабаб бўлган эди. Чунки, Пан Ги Мун 2007 йилда БМТ бош котиби бўлгач, узоқ вақт мамлакатида доимий яшамаган. Кўплаб сиёсатшунослар, қонунчилик унинг президент лавозимига кураш олиб боришига рухсат беришини айтишган эди. МСКнинг аниқлик киритишича, сайлов қонунчилигининг аввалги таҳрири, номзоднинг сўнгги беш йилда Жанубий Кореяда истиқомат қилган бўлишини талаб этган. Бироқ, кейинчалик бу талабдан воз кечишган. 

Пан Ги Мун 12 январда Нью-Йоркдан ватанига қайтиб келган. У, аэропортдаги журналистларнинг бўлғуси президентлик сайловида иштирок этиши мумкинлигига доир саволларига жавоб бермаган. Бундан аввал, Пан Ги Мун шундай бўлиши мумкинлигини айтган эди. 

Сўнгги ижтимоий сўров натижаларига кўра, Пан Ги Мун давлат раҳбарлиги учун иккинчи асосий даъвогар ҳисобланади. Унинг номзодига 20 фоиз сайловчи овоз бериши мумкин. Мухолифатдаги "Тобуро" демократик партияси собиқ етакчиси Мун Чжэ Инга 28 фоиз сайловчи овоз бериши эҳтимол. 

Жорий йилда Кореяда президентлик сайлови бўлиб ўтади. Агар мамлакат Конституциявий суди парламентнинг президент Пак Кин Хега нисбатан импичментини маъқулласа, президентлик сайлови йилнинг биринчи ярмида, акс ҳолда декабрь ойида бўлиб ўтади. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31728 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69074 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9427 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131494 Жамият
АПЛ. «Ливерпуль» қийин ғалабани қўлга киритди, 
21:50 3 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 496 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 3474 Спорт
Бундеслига. «Боруссия» ва «Ҳоффенҳайм» ғалаба билан бошлади
21:05 391 Спорт
Видео: рақс тушаётган минглаб роботлар Гиннесс рекордини ўрнатди
Кўпроқ янгиликлар