Дубайдаги хусусий компаниялар Expo-2020 арафасида қурилиш фаолиятининг жадаллашиши туфайли бизнеслари ривожининг “анча оптимистик” истиқболларига эришишди. Бу ҳақда Emirates NBD ҳисоботида айтилади. Банкнинг Яқин Шарқ ва Шимолий Африкадаги тадқиқотлари бўлими раҳбари Кхатийи Ҳақнинг сўзларига кўра, амирлик иқтисодиёти 2017 йилда айнан қурилиш соҳаси сабаб янада ривожланади.

Аввалроқ БАА нефтдан ташқари соҳасидаги ўсиш ҳажми 2016 йилнинг декабрида, иқтисодий шароитларнинг яхшиланиши туфайли янада ошгани хабар қилинганди.

Бу Дубайнинг 2017 йилги бюджетида амирлик инфратузилмасига сарф-харажатлар банди 27 фоизга ошганини кўрсатади. Йил эса Dubai Harbour кўп миллиардлик туристик мега-лойиҳасини ишга тушириш билан бошланди.

Deloitte консалтинг фирмаси Форз кўрфази мамлакатларида ишлаб чиқиш жараёнида бўлган лойиҳалар ҳажмини 2 триллион АҚШ долларига баҳолади. Фирма энг кўп фаолликни Саудия Арабистони ва БААга билдирган.

“Ижобий кайфият даражаси 2015 йилнинг июнидан бери энг юқори кўрсаткични қайд этди”, - дейилади хабарда.

Умуман Дубай иқтисодий индикаторлари мавсумий тебраниши декабрда 55,9 пунктни ташкил қилди – бу июль ойидан бери энг юқори натижа. Саёҳат ва туризм соҳаси энг юқори кўрсаткичларни намойиш этиб келаётган соҳа бўлиб келмоқда. Ундан сўнг чакана ва улгуржи савдо, шунингдек қурилиш соҳаси бормоқда.

Янги иш ўринлари нуқтаи-назаридан ҳам бироз олға силжиш кузатилмоқда. Бу ҳолат айниқса қурилиш компанияларида рўйхатга олинган.