Дубай ноёб гиламлар кўргазмасида 545 млн долларга тенг маҳсулотлар намойиш қилинмоқда

Жамият 14 Январь 2017 4573
Фото: Russianemirates.com

Бирлашган Араб Амирликларининг Дубай шаҳрида ноёб гиламлар кўргазмаси бўлиб ўтмоқда. У Dubai Shopping Festival (DSF) доирасида ташкил этилган. Кўргазмага келтирилган форс гиламидан бири 5 млн дирҳам (1,4 млн доллар)га баҳоланган бўлиб, унга 4,2 кг олтин ишлатилган. 

Дубай божхонаси директори Аҳмад Маҳбуб Мусабиҳнинг сўзларига кўра, умуман, кўргазмага 200 минг дона ноёб, қўлда тўқилган гиламлар олиб келинган, уларнинг умумий нархи тахминан 2 млрд дирҳам (545 млн доллар)ни ташкил этади. Кўргазманинг илк ҳафтасида жами қиймати 1,5млн долларга яқин 300 атрофида гилам сотилган. 

Кўргазманинг асосий экспонати ҳисобланган ва юқорида сўз юритилган 6 метрга 10 метр ўлчамдаги “Олтин гилам”ни тўқиш учун 6 кишининг 7 ярим йиллик умри сарфланган. Heritage Carpet раиси ўринбосари доктор Афсхин Гханбаринианинг таъкидлашича, бир одам бу гиламга бутун умрини сарфлаган бўлар эди. 

Олтин гилам полотноси 800 дан ортиқ тусда жилоланади ва Форслар тарихи, хусусан Сафавийлар империясига доир лавҳаларни акс эттиради. 

Форс гиламлари асосан Эронда ишлаб чиқарилади ҳамда дунёдаги коллекция тўпловчиларнинг олмос сингари энг қадрли буюмларидан бири ҳисобланади. Бу каби гиламларни ишлаб чиқаришга 10 йилга яқин вақт сарфланади. 

Кўргазмага келтирилган бошқа ноёб гиламлар орасида 400 ва 150 йиллик иккита Эрон гилами ҳам бор эди. Бу иккисининг нархи 14 млн долларга баҳоланган.

Carpet and Art Oasis деб номланган кўргазма 15 январгача Дубайнинг Бутунжаҳон савдо марказида бўлиб ўтади. 

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29723 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16096 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64098 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56988 Жамият
Ғазабланган россиялик 46 минг рубллик қарзини копейкаларда тўлади
09:20 467 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 157 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 155 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 416 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 162 Жаҳон
McDonalds Ҳиндистондаги 170 га яқин ресторанини ёпади
08:57 1296 Жаҳон
Кўпроқ янгиликлар