Ироқнинг Мўсул шаҳри аҳолисинининг маълум қилишича, ИШИД жангарилари назоратида бўлган ҳудудга берилган ҳаво зарбалари 30 нафар тинч аҳоли вакилининг умрига зомин бўлган. Бу ҳақда Reuters агентлиги хабар қилмоқда.

Уларнинг сўзларига кўра, шаҳарнинг ғарбий туманида учта снаряд портлаган. Бу ерда жангарилар етакчиларидан бирининг уйи нишонга олингани эҳтимол. 

Хабарларда таъкидланишича, портлаш вақтида жангари уйда бўлмаган, бироқ, унинг оила аъзолари қурбон бўлган. 

Аввалроқ, Ироқ ҳарбийлари Мўсулдаги Найнаво вилоят бошқармасининг биносини ИШИДдан озод қилгани ҳақида хабар қилган эди.