Россиянинг Саратов вилояти Петровский тумани ҳудудидаги йўллардан бирида юк машинаси ва минивэн иштирокида рўй берган йўл транспорт ҳодисаси бўйича жиноий иш очилди.

Охирги хабарларга кўра, Volvo юк машинаси ва Toyota минивэни тўқнашиши оқибатида ҳалок бўлган 7 кишининг барчаси Қирғизистон фуқаролари эди. Бундан олдинги хабарларда айтилганидек, бу фожиа қурбонлари орасида Ўзбекистон фуқароси йўқ.

Полиция маълумотига кўра, Volvo ҳайдовчиси йўл ҳаракати қоидаларига риоя етмагани оқибатида ушбу йўл транспорт ҳодисаси келиб чиққанди.