GM Uzbekistan акционерлик компанияси 2016 йил июлидан декабрь ойига қадар Россияда 1811 дона Ravon автомобилини сотишга муваффақ бўлган. Бу ҳақда Европа бизнеси ассоциацияси автомобиль ишлаб чиқарувчилар қўмитаси ҳисоботида сўз юритилган. 

Қайд этилишича, компания дилерлари 2016 йил декабрь ойининг ўзида Ravon брендида етказиб берилган 799 дона автомобиль сотишга эришган. 

GM Uzbekistan АКнинг Россия автомобиль бозоридаги улуши 2016 йил якунига кўра, 0,1 фоизни ташкил этган, 2016 йил декабрь ойида бу рақам 0,3 фоиздан иборат бўлган. 

Умуман, 2016 йил январь-ноябрь ойлари натижасига биноан, GM Uzbekistan 27 ўринни эгаллаган. Компания томонидан ишлаб чиқарилаётган моделларнинг ҳеч бири энг яхши сотилаётган Топ-25 таликка кира олмаган. 

Эслатиб ўтамиз, Россияда Ravon брендидаги автомобиллар савдоси 2016 йил июль ойида бошланган эди. Бунгача, GM Uzbekistan маҳсулотларини Daewoo бренди остида РФга етказиб берган.