Туркия ҳукумати 2017 йилнинг 1 январида Истанбулдаги тунги клубга автомат билан қуролланган ҳолда ҳужум уюштиришда гумон қилинаётган ўзбекистонлик Абдулгапир Машариповнинг мақсади пул бўлгани эҳтимоли ҳақида гумон қила бошлади. Бу ҳақда Business Standard нашрида ёзилган.

Бундай тахмин юзага келишига сабаб террорчи яшаган Истанбулдаги квартирани тинтув қилиш вақтида 150 минг доллар топилган. Полициянинг гумонига кўра, у хавфсизлик чоралари кучайтирилгани туфайли пулларни олиб кета олмаган бўлиши мумкин.

Эндиликда тергов Машариповнинг ушбу жиноятни амалга ошириши бўйича ягона сабаб мавжуд бўлганидан шубҳа қилмоқда. Бундан ташқари, куч ишлатар тизимлар бу терактга махсус хизматларнинг аралашгани эҳтимолини текширмоқда.

Бундан олдинги хабарларда Истанбулда полиция террорчига алоқадорлигида гумон қилиб, 2 кишини қўлга олгани ҳақида айтилганди.