Роботлар инсонларни иш ўринларидан маҳрум қила бошлаган экан, "ақлли машиналар" эгалари, улар учун солиқ тўлашлари керак бўлади. Швейцария сунъий ақл лабораторияси директори, профессор Юрген Шмидхубер шундай ишонч билдирмоқда. 

"Қачонлардир, роботлар ҳозирда одамлар ишлаб чиқараётган нарсаларни ясайди. Улар, смартфонларни йиғади ва малина кабиларни теради", - деган олим SonntagsBlick газетасига берган интервьюсида. Бундай шароитда, инсонлар иқтисодиёт учун муҳим роль ўйнамайдиган "нафис касблар" билан шуғулланишга тўғри келади. У олим ва журналистлик касбларини ҳам айни шу сафга қўшган. 

Шу билан бирга, мамлакатдаги барча фуқароларга кафолатган моддий ёрдам – шартсиз асосий даромад (ШАД)ни тўлашга тўғри келади. Шунга кўра, Шмидхубер ишлаб чиқариш жааёнини роботлаштириш меҳнатга муносабатни ўзгартиради ҳамда янги солиқ солиш моделига олиб келади. 

"Робот эгалари, ишдан бўшаган жамият аъзоларининг эҳтиёжларини молиялаштириш учун солиқ тўлаши керак бўлади", - деб уқдирган профессор. Бу тартибга розилик билдирмаганлар, инсонларнинг машиналарга қарши исёнига сабаб бўлади, деб огоҳлантирган олим. 

Маълумки, 2016 йил июнь ойи бошларида Швейцария ШАДни жорий қилиш умуммиллий референдумга қўйилган эди. Бу ташаббусни сайловда иштирок этганларнинг 77 фоизи рад этди. Агар ушбу таклиф маъқулланганида, Альп конфедерациясининг ҳар бир катта ёшли фуқаросига ойига 2,5 минг франк (тахминан шунча доллар) ва ёш бола учун 625 франк бериш ғояси амалиётга татбиқ этилиши керак бўлар эди.