Ушбу йиртқич эшитиш ва кўриш қобилиятига эга эмас. У сувдаги тебранишларга кўра ҳаракатланади.

Smithsonian Channel канали 3 метрли Австралия қизил чувалчангининг (Eunice aphroditois) ов қилиш жараёнини намойиш этди.

Йиртқич океаннинг тропик сувларида 10-40 м чуқурликда яшайди. У ов вақтида қумлар остига яширинади ва ўлжа яқинлашганида тезлик билан унга ташланади. У ўлжани тутгач, уни парчалайди ёки ўлдириб, ютади.

Бу қуртда кўриш ва эшитиш органлари мавжуд эмас, у бешта пайпаслагичи билан сувдаги тебранишларни илғайди.