Остона шаҳри Сурия бўйича музокараларни ўтказишга тайёр. Бу ҳақда Қозоғистон ташқи ишлар вазири Қайрат Абдраҳмонов журналистларга маълум қилди.

"Қозоғистон музокараларни ўтказишга бутунлай тайёр... Бу учрашув 23 январь кунига режалаштирилмоқда", - деди Абдраҳмонов.

Аввалроқ, Россия президенти Владимир Путин Туркия етакчиси Тоййиб Эрдўған билан Суриядаги можарода иштирок этаётган томонларни музокаралар жараёнини Остонада давом эттиришга таклиф қилиш борасида келишиб олгани хабар қилинганди. Кутилишича, Остонадаги учрашув 23 январь, Женевадаги эса – 8 февраль куни бўлиб ўтади.