Ўзбекистон Республикаси Президенти Шавкат Мирзиёев Қирғизистон Республикаси Президенти Алмазбек Атамбаевга 2017 йил 16 январида Қирғизистонда «Boeing-747» юк самолётининг ҳалокатга учраши оқибатида кўплаб инсонларнинг, жумладан болаларнинг қурбон бўлганлиги муносабати билан самимий ҳамдарлик билдирди.

Туркия авиакомпанияси самолётининг ҳалокатга учрагани сабабли Туркия Республикаси Президенти Ражаб Тоййиб Эрдўғанга ҳам таъзия изҳор этилган.

Давлат раҳбари ўз мактубларида ҳалок бўлганларнинг оила аъзолари ва яқинларига ҳамда жароҳатланганларга чуқур ҳамдардлик ва далда сўзларини етказиб қўйишни сўраган.