Ichki ishlar vazirining unvoni ko‘tarildi

O‘zbekiston Prezidenti Shavkat Mirziyoyevning 2017 yil 12 yanvardagi farmoni bilan tinchlik va osoyishtalikni ta'minlashda qo‘shgan katta hissasi va Vatan himoyachilari kuni munosabati bilan O‘zbekiston ichki ishlar vaziri Abdusalom Azizovga general-mayor unvoni berildi, deb yozmoqda Uznews.uz.

Shuningdek, Prezidentning farmoni bilan Ichki ishlar vaziri birinchi o‘rinbosari, Jinoyat qidiruv va terrorchilikka qarshi kurash bosh boshqarmasi boshlig‘i Nazarmuxamedov Davron Obitovichga ham general-mayor unvoni berildi.

Ikki nafar podpolkovnik – Muhamedov O‘tkurbek (O‘zbekiston IIV Akademiyasi boshlig‘i birinchi o‘rinbosari) va Abdullayev Alisherga (O‘zbekiston IIV Akademiyasi boshlig‘ining moddiy-texnik ta'minot bo‘yicha o‘rinbosari) polkovnik unvonlari taqdim qilindi.