08:03 / 18.01.2017
7620

Hayvonot bog‘ida tug‘ilgan dunyodagi ilk gorilla o‘ldi

AQShda hayvonot bog‘ida tug‘ilgan dunyodagi birinchi gorilla o‘ldi. U 60 yoshga to‘lgandi, deb xabar beradi Assoshieyted Press agentligi Ohayo shtatidagi hayvonot bog‘iga asosan.

Kolo laqabli gorilla AQShdagi bunday turdagi jonivorlarning eng keksasi bo‘lib, tushida o‘lgan.

"Kolo ko‘plab insonlarning yoqimtoyiga aylangandi. Uni sevishardi", - deya ma'lum qilishgan hayvonot bog‘ida.

Ma'lumot uchun, Kolo hayvonot bog‘ida 1956 yilning 22 dekabr kuni tug‘ilgan. 2016 yilda uning tug‘ilgan kuni munosabati bilan yuzlab insonlar hayvonot bog‘iga tashrif buyurishdi. Uning yoshi erkinlikda yashamaydigan gorillalar umri o‘rtacha davomiyligidan 20 yilga ko‘proq.

Top