Американинг AT&T оператори фойдаланувчиларни 2G-тармоқлар ўчирилишидан огоҳлантирди. Бу iPhone'нинг биринчи авлоди каби қурилмаларнинг асосий функционалини қўллаб-қувватлаш поёнига етганини билдиради. AppleInsider шу ҳақида хабар берди

Шундай қилиб, бундан буён эскирган мобил девайслар орқали қўнғироқларни амалга ошириш ва SMS-хабар йўллаш имкони бўлмайди. 

Телеком-гигант асосий эътиборини LTE-тармоқлар ва 5G номини олиши кутилаётган ҳамда 2020 йилда бозорда пайдо бўладиган келажак стандартини ривожлантиришга қаратмоқчи. AT&T'нинг ташаббусини АҚШ ва Европадаги бир неча операторлар қўллаб-қувватлашга тайёр. 

2G-тармоқ 1991 йилда пайдо бўлган ва у GSM рақамли мобил стандарти ҳисобланади. Симсиз алоқанинг иккинчи авлоди шифрланган қўнғироқлардан ташқари SMS-хабар йўллаш имконига эга бўлган.