Facebook яқин 10 йил давомида виртуал реаллик технологиясига 2 миллиард доллар инвестиция киритади. Бу ҳақда компания асосчиси Марк Цукерберг Oculus компаниясига тегишли интеллектуал мулкни ўғирлаш бўйича айблов юзасидан судда чиқиш қилишидан аввал маълум қилди, деб хабар берди The New York Times.
 
Компьютер ўйинларини тақдим этиш ҳамда Bethesda, id Software ва Arkane Studios студияларига эгалик қилувчи Zenimax медиа-гиганти Facebook’ни Oculus VR компаниясини ноқонуний равишда харид қилишда айбламоқда. У Oculus Rift виртуал реаллик кўзойнакларини яратган.

ZeniMax Media’нинг фикрича, дунёдаги энг йирик ижтимоий тармоқ Oculus виртуал реаллик бўйича барча технологиялар ишланмасини ноқонуний равишда ўзига ўтказиб олганини яхши билган ҳолда бу компанияни сотиб олган. ZeniMax айнан у виртуал реаллик кўзойнакларини яратганини иддао қилмоқда. Oculus эса бош дастурчи – Жон Кармакни компанияга ишга олиб, шу тариқа, интеллектуал мулкни ўғирлагани айтилди.

Цукерберг Даллас штати федерал судида 17 январь куни чиқиш қилиб, бу маълумотлар ёлғонлигини маълум қилди. «Oculus маҳсулотлари Oculus технологиясига асосланган. Бизнинг ишда умумий код мавжуд эмас», - деди у.