GlobalData консалтинг компанияси маълумотларига кўра, 2016 йилда дунёда умумий қуввати 70 гигаваттлик қуёш электр станциялари ўрнатилган. Агар маълумотлар тўғри бўлса, унда қуёш энергетикаси 2016 йилда 2015 йилга нисбатан деярли 1,5 баробар ўсган. Бошқа таҳлилий гуруҳлар янада каттароқ рақамларни беришган, уларнинг ҳисоб-китобларига кўра, 2016 йилда 76 гигаваттлик қуёш электр станциялари ўрнатилган. Агар улар ҳақ бўлсалар, қуёш электр станциялари 12 ой ичида ўз қувватини 30 фоизга оширган. Гелиоэнергетика (қуёш энергетикаси) биринчи марта Россия каби давлатнинг умумий энергетикаси қувватидан ошиб кетган. Уларнинг киритилиши ўртача суръати ҳар 450 сонияда бир мегаваттга яқин бўлган.

2015 йил охирига келиб дунёда 225 гигаваттлик қуёш электр станциялари бўлган. GlobalData маълумотларига кўра, 2016 йил охирига бу рақам 294,69 гигаваттга етган. Шуниси маълумки, бу соҳада Хитой етакчилик қилмоқда. Бу давлатда 2016 йил 1-чорагининг ўзида 7,14 гигаваттлик электр станциялари ўрнатилган. Бундан бир гигаваттдан сал кўпроғи фотоэлементларга, қолгани эса қуёш электр станциялари ҳисобига тўғри келган. Таққослаш учун айтиш мумкинки, АҚШда шу давр ичида 4,1 гигаваттлик электр станциялари ўрнатилган.

Чўллар ва қурғоқчил ерларда ўрнатилган қуёш электр станциялари ўрнатилган қувватнинг бир киловаттига йилига 2200 киловатт-соат энергия беради. Бироқ бир қатор ҳолларда қуёш батареялари нам иқлимга эга ҳудудлар, қуёшга нисбатан номукаммал бурчакка эга уйлар томларида ўрнатилади. Бунда эса юқоридаги кўрсаткич камроқни – 1000 киловатт-соатни ташкил қилади.