2050 йилни кутишга арзирли 11 сабаб

Технология 19 Январь 2017 59430

Атрофимиздаги олам ҳар 100 йилда эмас, ҳар йили ўзгармоқда. Бизнинг соатларимиз, кўзойнакларимиз, машиналаримиз ва ҳатто хонадонларимиз аллақачон "ақлли" бўлиб улгурди, олдинда бизни нималар кутаётганини билишни хоҳлайсизми? AdMe.ru келажак дунёси қандай бўлишига доир 11 илмий тушунчани тўплади.

Экосаёҳатлар

Экотурлар, экопарвозлар, экомеҳмонхоналар, экокўнгилочар масканлар - борган сари кўпроқ одамлар "эко" олд қўшимчаси қўшилган саёҳатларни афзал кўришмоқда. Сиз хориждаги ҳашаматли меҳмонхона ёки шинамгина уйда дам оласиз, шу билан бирга болаларни маҳаллий мактабда инглиз тилига ўқитасиз, филларни парвариш қиласиз ёки мева фермасида нок теришга ёрдамлашасиз.

Барча табиий нарсалар қимматлашмоқда, борган сари уларнинг қадри ошмоқда, табиат ва анъаналар сақланиб қолган ер участкалари эса диққатга сазовор жойларга айланмоқда.

Узоқ яшаймиз

Тиббий технологиялар аста-секинлик билан мутлақо янги даражага кўтарилмоқда. Биз гаджетлар ёрдамида пульс ва  қанд миқдорини ўлчаймиз, шунингдек ўз саломатлигимизга оид кўрсаткичларни смартфон экранида кўришимиз мумкин. Пластик операцияларга бўлган талаб камаймоқда, барча амалиётлар оддий ва деярли оғриқсиз инъекциялар ёрдамида бажарилмоқда.

Ваҳима солувчи тиббий ускуналар аста-секинлик билан гаджетлар ҳажмигача ихчамлашмоқда, функциялар сони эса ўсмоқда. Организмни тўлиқ ташхисдан ўтказиш учун шифокорга бориш ва бир талай таҳлиллар топширишга ҳожат қолмайди, мобил қурилманинг ўзи етарли бўлади.

Ҳар қандай предметни чоп этиш мумкин бўлади

Машиналар деталлари, мусиқий асбоблар, мебель ва ҳатто замонавий либослар коллекцияси - 3D-принтер ихтиро қилингандан бери унда нималарни чоп этишмади дейсиз. Масалан, Жанубий Калифорнияда электр энергияси ва сув таъминоти бўлган бутун бошли уйни чоп этишга қодир гигант принтер мавжуд.

Чоп этилувчи қурилиш тўлиқ йўлга қўйилган ва келажакда истаган киши унинг ёрдамида ўзи учун дала ҳовли, машина ёки қайиқ ясаб олиши мумкин. Бунинг учун интернетдан андоза юклаб олишнинг ўзи кифоя қилади.

Виртуал реаллик ўқув дарсликлари ўрнини эгаллайди

Сиз тарихий ҳодисанинг марказида бўлишингиз, Катта портлашни ўз кўзингиз билан кўришингиз ёки уйдан чиқмай туриб, бошқа мамлакатдаги университет лекциясини тинглашингиз мумкин бўлади. Виртуал реаллик катта тезлик билан ривожланади ва келажакда таълим соҳасида қўлланади.

Ҳиссиётларга тўла ҳақиқий саёҳат ўрнини ҳеч нарса боса олмайди, албатта. Бироқ кун давомида бўш вақт топилиб қолса, нима учун, масалан, Буюк Британия йўллари бўйлаб велотурга қўшилмаслик ёки Луврдаги галереяга ташриф буюрмаслик керак?

Биз чиқиндиларга бўлган муносабатимизни ўзгартирамиз

Аста-секинлик билан, лекин шу мақсад сари ҳаракатланмоқдамиз. Чиқиндини саралаш тизими ҳозирча у қадар ривожланмаган, аммо бунга албатта кўникма ҳосил қилинади. Бугуннинг ўзидаёқ маиший техника ва кийим-кечак дўконлари эски буюмларни алмаштиришни таклиф қилишмоқда. Борган сари чиқиндиларни қабул қилиш ва саралаш пунктлари кўпаймоқда, уларни қайта ишлаш экологик ва иқтисодий нуқтаи назардан тўғри. Умуман, имкон бор!

Ҳамма жойда учувчисиз қурилмалар бўлади

Дронлар пицца ва жўнатмаларни тезроқ ҳамда арзонроқ етказади, Tesla машиналаридаги сунъий интеллект эса инсонга нисбатан яхшироқ ва хавфсизроқ бошқаради. Аста-секинлик билан бошқарув тўлиқ ҳайдовчисиз қурилмалар тасарруфига ўтиб, автоматик равишда амалга оширилади. Интернет-дўконлардаги ўзингизга маъқул келган товарни "клик"лайсиз ва бир неча дақиқадан сўнг кутилган харидингизни сизга топшириш учун "вертолётча" эшик қоқади. Ўзингиз ўйлаб кўринг, нақадар мукаммал тизим!

80 ёшдан кичик кишилар саратонга чалинмайди

Британиялик олимлар шундай хулосага келишди. Маълум бўлишича, 40 ёшдан бошлаб аспирин дорисини болалар дозасида қабул қилиш саратон пайдо бўлишининг олдини олар экан. Буюк Британияда бу тажриба ўз натижаларини кўрсатди.

Препаратни 15 йил давомида кичик дозаларда қабул қилиш касалликка чалиниш хавфини 7-9 фоизга камайтиради, 20 йилда эса ҳар қандай сабабдан эрта ўлиш ҳолатини 4 фоизга қисқартиради.

Албатта, аспирин билан даволаниш ғалати кўриниши мумкин, бироқ бу кашфиёт касалликни таг-туги билан йўқ қилувчи бошқа препаратларни ишлаб чиқишга туртки бериши мумкин.

Биз электромобилларга ўтамиз

Биз аста-секинлик билан ҳавони ифлослантирувчи сершовқин машиналардан узоқлашиб, электродвигателлар сари қадам ташламоқдамиз. Одамлар электромобилларнинг нафақат экологик ва хавфсиз, балки "ақллироқ" ҳам эканини тушуна бошлашмоқда.

Асосий муаммо шундаки, дунёнинг аксарият қисми ҳали бу машиналарга мослашмаган. Бироқ баъзи мамлакатларда электромобилларни зарядловчи станциялар қурилиши йўлга қўйилмоқда, бундай ҳаракатланиш воситалари нархи эса пасаймоқда.

Спорт билан шуғулланиш енгиллашади

Гаджетлар эгалари ҳозирнинг ўзидаёқ босган қадамларини ўлчашлари, ўз ҳаракат фаолликларини баҳолашлари ва калорияларни ҳисоблашлари мумкин. Деярли ҳар бир инсоннинг чўнтагида машқлар дастури ва парҳез тузувчи шахсий мураббийи бўлади.

Борган сайин соғлом турмуш тарзига қизиқиш нафақат тренд, балки ҳаёт тарзига айланиб бормоқда. Келажакда спиртли ичимликлар истеъмоли ва тамаки чекиш урф бўлмайди, фастфуд эса эскирган сарқит каби кўринади.

Ер аҳолиси шиддат билан кўпаймоқда

Яқинда БМТ сайёрамизнинг 2050 йилга бориб аҳолиси ўсишига оид прогнозини тақдим этди. Унга кўра, Ер аҳолиси 2,5 миллиард кишига кўпаяди, яъни 7,5 миллиарддан 9,7 миллиард кишигача. Бундай прогнозга икки омил таъсир қилди:

1. Тиббиётнинг ривожланиши. Янги препаратларнинг ихтиро қилиниши ва замонавий тиббиёт ускуналари ҳаёт давомийлиги ва сифатини юксалтирмоқда.

2. Соғлом ҳаёт тарзи. Борган сари зарарли одатлар ва носоғлом егуликлардан узоқлашиб, спорт билан шуғулланишга қизиқаётган кишилар сони ошиб бормоқда.

Энергия арзон ва қайта тикланувчи бўлади

Яқинда Энергия институти тадқиқот ўтказди, унга кўра, 2050 йилда 80 фоиз энергия қайта тикланувчи манбалардан олинади. Гап табиий ресурслар - қуёш нури, сув ва шамолдан фойдаланувчи генераторларга ўтиш ҳақида бормоқда. Бундай технологиялар нисбатан камхарж бўлиб, кўпроқ иш ўринлари билан таъминлайди ва табиат ҳамда бизнинг соғлиғимизга зиён етказмайди.

Бугунги кунда кўп мамлакатлар қайта тикланувчи энергияга ўтмоқда. Шундай қилиб, Германияда 74 фоиз энергия қайта тикланувчи манбалардан олинади. Кўплаб мамлакатлар ушбу тенденцияга амал қилмоқда. Стэнфорд университети олимлари қандай қилиб дунёнинг 139 мамлакати электр таъминотига доир эҳтиёжларини қайта тикланувчи манбалар ҳисобидан қондириши мумкинлигини кўрсатувчи харитани тузишди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 19271 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48787 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 22457 Ўзбекистон
Қозоғистонда ўзбек автомобиллари ишлаб чиқарилиши кенгайтирилиши мумкин
Лотин алифбосидан кимлар қўрқади?
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
Мустақиллик байрами Миллий боғда ўтказилмайди
Samsung Galaxy S9 cмартфони билан боғлиқ баъзи маълумотлар ошкор бўлди
2018 йил ҳосили учун август пиёзи ҳамда тўқсонбости усулида сабзавот экинларини жойлаштиришга доир қарор имзоланди
Полиция Барселона теракти ижрочиси йўқ қилинганини тасдиқлади
22:20 1153 Жаҳон
Кўпроқ янгиликлар