19 январь куни Хоразм вилояти Боғот туманида халқ билан мулоқот бўлиб ўтди.

Унда вилоят ҳокими, прокурори, ички ишлар бошқармаси бошлиғи ва барча мутасадди ташкилот, идора раҳбарлари, кичик бизнес ва хусусий тадбиркорлик субъектлари ҳамда фуқаролар иштирок этди.

Учрашув Президентимизнинг 2017 йил 7 январда прокуратура органлари ташкил топганининг 25 йиллиги муносабати билан ўтказилган тантанали маросимда мурожаатлар билан ишлаш тизимини тубдан такомиллаштириш, ҳалқ билан очиқ мулоқотни йўлга қўйиш, халқ ичига кириш, унинг дарди ва ташвиши билан яшаш энг долзарб вазифасига айланиши лозимлиги ҳақидаги талабларидан келиб чиққан ҳолда ўтказилди.

Тадбирдан мақсад, давлат идоралари раҳбарларининг халққа яқин бўлиб, кундалик ҳаётдаги мавжуд муаммоларни қонун доирасида ҳал қилиш, амалий ёрдам кўрсатиш, ҳуқуқ ва манфаатларини ҳимоя қилиб, адолат мезонини қарор топтиришдан иборат.

Тадбирда иштирок этган тадбиркорлар ва фуқаролар раҳбарларга ечимини тополмаётган масалалар бўйича саволлар беришди. Шунингдек, жойида ҳал қилиш имкони бўлган оғзаки мурожаатлар юзасидан уларнинг талаблари қаноатлантирилди.

Халқимиз ҳаётида муҳим ўрин тутаётган долзарб масалаларни ҳал этиш юзасидан фуқароларнинг қонуний талаблари, сўров ва таклифларини кўриб чиқиб, ечимини топиш ваколатига эга бўлган давлат идораларига муддат белгиланиб, тегишли органлар томонидан назоратга олинган ҳолда топшириқ берилди.
Шунингдек, шундай учрашувлар жойларда, маҳаллаларда туман ҳокими, прокурори, ИИБ бошлиғи бошчилигида ҳам ўтказилмоқда.