АҚШнинг сайланган президенти Дональд Трамп Trump University иши бўйича 25 миллион АҚШ доллари миқдорида товон пулларини тўлаб беради. Уни фирибгарликда айблаб судга беришганди. Бу ҳақда CNN канали хабар бермоқда.

«Trump University номи билан машҳур Trump Entrepreneur Initiative ташкилоти чоршанба куни товон пулларини тўлаб беради», - деб хабар берди телеканал шикоят аризаси билан чиққан фуқаролар адвокатига асосан.

Таъкидланишича, келишувга ўтган йилнинг ноябрь ойида, президентлик сайловларидан сўнг келинган. Бу сайланган президентнинг судда гувоҳлик беришидан сақлаб қолди. Маълумот Нью-Йорк штати бош прокурори Эрик Шнайдерман томонидан ҳам тасдиқланди.

Trump University’га 2013 йилда айбловлар қўйилганди. Уни ўз талабаларини алдаш орқали уларга керакли бўлмаган дастурлар учун пул тўлашга мажбурлаганликда гумон қилишмоқда.