Европа футбол жамоаларининг 2020 йилдаги биринчиликни стадиондан томоша қилишни истаган россиялик мухлислар учун ажойиб қулайлик тақдим этилди. Исталган ўйин учун чипта харид қилган мухлис, чемпионат бўлиб ўтадиган 13та шаҳарга визасиз ташриф буюриши мумкин бўлади. Бу ҳақда, Россия бош вазири ўринбосари, Россия футбол иттифоқи Виталий Мутко маълум қилган.

"Биз учун мухлислар ҳақида қайғуриш муҳимдир. Улар чипталари билан Европа чемпионати бўлиб ўтадиган 13 шаҳарга ташриф буюра олишади", - деган Мутко.

Эслатиб ўтамиз, УЕФА ижроия қўмитаси 2013 йил январида ўтказган йиғилишида Евро-2020 финал босқичини Европанинг турли мамлакатларидаги 13та шаҳарда ўтказишга қарор қилган эди. 2014 йил сентябрида ташкилотчи шаҳарлар рўйхати эълон қилинди. Унга 12 мамлакатдаги 13та стадион киритилди. 

Ярим финаллар ва финал ўйини Лондоннинг "Уэмбли" стадионида бўлиб ўтади. Гуруҳ босқичи ва чорак финаллар Санкт-Петербург, Мюнхен, Баку ва Римда ташкил этилади. Амстердам, Бильбао, Брюссель, Будапешт, Бухарест, Глазго, Дублин ва Копенгаген гуруҳ ўйинларини ва нимчорак финал ўйинларини ташкиллаштиради. Шу билан бирга, ташкилотчи мамлакатлар термалари тўғридан-тўғри йўлланмани қўлга киритишмайди.