Сенегал армияси Гамбия билан чегараларга сафарбар этилди

Жаҳон 19 Январь 2017 4670

Африканинг Сенегал давлати, Гамбия президенти ваколатлари узайтирилгани муносабати билан, ҳарбий қўшинларини Гамбия билан чегара ҳудудларига сафарбар этди. Бу ҳақда Рейтер агентлиги ҳарбий манбаларига таянган ҳолда хабар қилмоқда

"Биз у ерга йўл олдик. Биз жиддий тайёрланаяпмиз", — дея ҳарбий манба сўзларини келтиради агентлик. 

Шунингдек, маҳаллий аҳоли вакиллари ҳам Гамбия билан чегараларга юзлаб сенегаллик аскарлар ҳарбий автокарвонларда кетаётганига гувоҳлик беришган. 

18 январь куни Гамбия Миллий ассамблеяси сайловларда мағлуб бўлган президент Яйя Джамме ваколатларини узайтирди. У 19 январь куни лавозимини тарк этиши, уни сайланган президент Адаме Барроу эгаллаши лозим эди.

Айтиш жоизки, Гамбиядаги сиёсий инқироз декабрь ойи охирларида юзага чиққан эди. Ўшанда, Яйя Джамме сайлов натижаларини тан олмаслигини айтиб, лавозимини тарк этишни рад этган эди. Унинг ваколатлари тугашига бир кун қолганида мамлакатда фавқулодда ҳолат тартиби жорий қилинди. 

13 январь куни Африка Иттифоқи мамлакатлари кенгаши 19 январдан сайловда мағлуб бўлган Джаммени қонуний президент сифатида баҳоламаслигини маълум қилган эди. Бундан аввалроқ, Нигерия ва ғарбий Африка қатор мамлакатларининг бирлашган кучлари, Джамме ҳокимиятни бўшатмас экан, Гамбияга кириши мумкинлиги ҳақида хабарлар ҳам пайдо бўлганди. 

Гамбия президентлик сайлови 2016 йил 1 декабрда бўлиб ўтган. Унда 890 минг киши овоз бериш ҳуқуқига эга бўлган. Давлат раҳбарлиги учун амалдаги президент Яйя Джамме, асосий мухолиф тузилма ҳисобланган Бирлашган демократик партия номзоди Адам Барроу ва мухолифатдаги "Гамбия демократик конгресси" етакчиси  Мамма Канде курашган эди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 24022 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 11881 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 82860 Ўзбекистон
Тарихда биринчи марта Сатурн атмосферасига киришга муваффақ бўлинди
20:25 357 Жамият
ФИФА йил футболчиси бўлиш учун асосий даъвогарлар рўйхатини эълон қилди
20:19 2121 Спорт
Япониядаги барда маймунлар официантлар сифатида ишламоқда
20:06 1063 Жамият
Конте Белотти трансферини истамоқда, Абрамович бунга қарши
20:06 626 Спорт
Самарқандда ёшлар ташаббуси билан намунали тўй бўлиб ўтди (фото)
20:05 4571 Жамият
Turkish Airlines рейси йўловчиси комага тушиб, самолётда жон берди
19:58 1091 Жамият
ФИФА йилнинг энг яхши мураббийлиги учун даъвогарлар номини эълон қилди
19:54 2232 Спорт
Кўпроқ янгиликлар